Fetela boitsebisong

Maikutlo a Hao ke Afe ka Bibele?

Maikutlo a Hao ke Afe ka Bibele?

Na ke . . .

  • buka ea bahlalefi?

  • buka ea litšōmo le lipale?

  • kapa ke Lentsoe la Molimo?

 BIBELE EONA E RE’NG?

“Lengolo lohle le bululetsoe ke Molimo.”—2 Timothea 3:16, Phetolelo ea Lefatše le Lecha.

HO TSEBA SEE HO KA U THUSA JOANG?

U ka fumana likarabo lipotsong tse re tšoenyang bophelong.—Liproverbia 2:1-5.

U ka fumana tataiso e molemo bophelong ba letsatsi le letsatsi.—Pesaleme ea 119:105.

U ka ba le tšepo ea sebele ka bokamoso.—Baroma 15:4.

 NA KA SEBELE RE KA LUMELA SEO BIBELE E SE BUANG?

E, bonyane ka mabaka a mararo:

  • E lumellana ka tsela e hlollang. Bibele e ngotsoe ka lilemo tse fetang 1 600, ke batho ba ka bang 40. Ba bangata ba bona ba ne ba sa tsebane. Leha ho le joalo, Bibele e ea lumellana, e-na le sehlooho se le seng se seholo!

  • E tlalehile histori ka botšepehi. Bo-rahistori ba atisa ho se bolele ha lichaba tsa habo bona li hlōtsoe. Empa bangoli ba Bibele bona ba tlalehile ka botšepehi liphoso tseo ba li entseng le tse entsoeng ke sechaba sa habo bona.—2 Likronike 36:15, 16; Pesaleme ea 51:1-4.

  • Boprofeta bo ka tšeptjoang. Bibele e ile ea bolela lilemo tse ka bang 200 esale pele ka ho timetsoa ha motse oa boholo-holo oa Babylona. (Esaia 13:17-22) E ile ea bolela mokhoa oo Babylona e neng e tla timetsoa ka oona, esita le lebitso la motho ea neng a tla e hapa!—Esaia 45:1-3.

Lintho tse ling tse ngata tseo Bibele e li profetileng le tsona li phethahetse hantle ka tsela eo li neng li boletsoe ka eona. Empa na see hase sona seo re ka se lebellang ka Lentsoe la Molimo? —2 Petrose 1:21.

 U KA ’NA UA IPOTSA

Lentsoe la Molimo le ka ntlafatsa bophelo ba hao joang?

Bibele e araba potso ena ho ESAIA 48:17, 18 le ho 2 TIMOTHEA 3:16, 17.