Jesu o tlile lefatšeng ho fana ka bophelo ba hae ho batho ba sa phethahalang. Le hoja a shoele, o hlotse lefatše. Jehova o ne a tšepahala ho Mora oa hae ’me o ile a mo tsosa bafung. Ka boikokobetso Jesu o ile a sebeletsa batho ba bang, a ba a ba tšoarela ha ba etsa liphoso, ho fihlela a khokhotheloa thupeng. Ka mor’a ho tsosoa bafung, Jesu o ile a hlaha ho barutuoa ba hae. O ile a ba ruta ho etsa mosebetsi oa bohlokoa oo a neng a ba file oona. Thusa ngoana oa hao ho bona hore o lokela ho etsa mosebetsi ona oa bohlokoa.