Fetela boitsebisong

Fetela lethathamong la tse ka hare

 THUTO EA 1

Molimo o Entse Leholimo le Lefatše

Molimo o Entse Leholimo le Lefatše

Jehova Molimo ke ’Mopi oa rona. O entse lintho tsohle. Tse ling rea li bona, empa tse ling ha re li bone. Pele a etsa lintho tseo re li bonang, o ile a etsa mangeloi a mangata. Na oa tseba hore na mangeloi ke’ng? Mangeloi ke batho ba tšoanang le Jehova, bao a ba bopileng. Re ke ke ra a bona, feela joalokaha re ke ke ra bona Molimo. Lengeloi la pele leo Jehova a le entseng le ile la sebetsa le eena, la mo thusa ho etsa linaleli, lipolanete le lintho tse ling kaofela. E ’ngoe ea lipolanete tseo ke lefatše, e leng lehae la rona le letle.

Jehova o ile a lokisa lefatše e le hore batho le liphoofolo ba lule ho lona. A etsa hore khanya ea letsatsi e chabele lefatšeng ’me a etsa lithaba, maoatle le linoka.

Jehova o ile a etsa’ng ka mor’a moo? O ile a re: ‘Ke tlil’o etsa limela, lifate le joang.’ Eaba ho hlaha litholoana, meroho le lipalesa tsa mefuta-futa. Ka mor’a moo, Jehova a etsa liphoofolo tse fofang, tse phelang metsing le tse tsamaeang fatše. A etsa tse nyenyane, joaloka ’mutlanyane le tse kholo, joaloka tlou. Uena u rata phoofolo efe?

Joale Jehova a re ho lengeloi la pele: “A re etse motho.” Batho ha ba tšoane le liphoofolo. Ba tseba ho qapa lintho. Ba tseba ho bua, ho tšeha le ho rapela. Ba ka khona ho hlokomela lefatše le liphoofolo. Na oa tseba hore na motho oa pele ke mang? A re bone.

“Tšimolohong Molimo o ile a bōpa maholimo le lefatše.”—Genese 1:1