U ka araba potso ee joang? Ka . . .

  • e?

  • che?

  • kapa ka mohlomong?

 BIBELE EONA E RE’NG?

“Ho tla ba le tsoho.”—Liketso 24:15, Phetolelo ea Lefatše le Lecha.

 NA KA SEBELE RE KA LUMELA SEO BIBELE E SE BUANG?

E, bonyane ka mabaka a mararo:

  • Molimo ke ’Mōpi. Bibele e re Jehova Molimo ke “mohloli oa bophelo.” (Pesaleme ea 36:9; Liketso 17:24, 25) Kaha ke Eena ea fileng libōpuoa tsohle bophelo, ka sebele o na le matla a ho tsosa bafu.

  • Molimo o ile a tsosa bafu nakong e fetileng. Bibele e bua ka batho ba robeli ba ileng ba tsosoa bafung—bao e neng e le bana, e le batho ba baholo, e le banna le basali—hona mona lefatšeng. Ba bang ba ne ba sa tsoa shoa, empa e mong o ne a qetile matsatsi a mane ka lebitleng!—Johanne 11:39-44.

  • Molimo o labalabela ho boela a tsosa bafu. Jehova o hloile lefu; o le talima e le sera. (1 Bakorinthe 15:26) O “hloloheloa” ho hlōla sera seo, ho felisa lefu ka hore a tsose bafu. O labalabela ho tsosa ba mohopolong oa hae le ho ba bona ba phela hape lefatšeng.—Jobo 14:14, 15.

HO TSEBA SEE HO KA U THUSA JOANG?

Ho ka u tšelisa ha u shoeloa ke batho bao u ba ratang.—2 Bakorinthe 1:3, 4.

Ho ka u lokolla hore u se ke ua tšaba shoa.—Baheberu 2:15.

Ho ka u fa tšepo ea sebele ea hore u tla boela u kopana le baratuoa ba hao ba shoeleng.—Johanne 5:28, 29.

 U KA ’NA UA IPOTSA

Ke hobane’ng ha re tsofala ebile re e-shoa?

Bibele e araba potso ena ho GENESE 3:17-19 le ho BAROMA 5:12.