Fetela boitsebisong

Fetela lethathamong la tse ka hare

 PHELA JOALOKA MOKRESTE

Batsoali, Thusang Bana ba Lona Hore ba Atlehe

Batsoali, Thusang Bana ba Lona Hore ba Atlehe

Batsoali ba ratang Jehova, ba labalabela hore bana ba bona ba mo sebeletse. Batsoali ba ka thusa bana ba bona ka ho ba ruta ka Jehova ho tloha boseeng. (De 6:7; Lipr 22:6) Sena se hloka hore batsoali ba itele kaha ho etsa joalo ho na le melemo e mengata.​—3Jo 4.

Batsoali ba ka ithuta ho hongata ho Josefa le Maria. Ba ne “ba tloaetse ho ea Jerusalema selemo le selemo bakeng sa mokete oa paseka” le hoja ho ea teng ho ne ho hloka hore ba etse boiteko le ho kena litšenyehelong. (Lu 2:41) Ho hlakile hore ba ne ba batla hore lelapa la bona le be le kamano e matla le Jehova. Ka tsela e tšoanang, batsoali ba ka sebelisa monyetla o mong le o mong o hlahang ho ruta bana ba bona ka Jehova, ba etse joalo ka seo ba se buang le seo ba se etsang.—Pes 127:3-5.

SHEBELLANG VIDEO EA BA ILE BA SEBELISA MONYETLA O MONG LE O MONG, E BE KA MOR’A MOO LE ARABA LIPOTSO TSE LATELANG:

  • Ke joang Jon le Sharon Schiller ba ileng ba bontša hore ho sebeletsa Jehova ho tla pele bophelong, le hoja ba ne ba ntse ba holisa bana?

  • Ke hobane’ng ha batsoali ba lokela ho etsa hore taeo e tšoanele litlhoko tsa ngoana ka mong?

  • Batsoali ba ka thusa bana ba bona joang hore ba khone ho emela tumelo ea bona?

  • U sebelisitse lingoliloeng life tsa mokhatlo oa Jehova ho thusa bana ba hao hore e be metsoalle ea hae?

Etsa hore ho ba le kamano e ntle le Jehova e be ntho e tlang pele lelapeng la hao