Fetela boitsebisong

Fetela lethathamong la tse ka hare

 PHELA JOALOKA MOKRESTE

Batsoali, Rutang Bana ba Lona Seo ba Lokelang ho se Tseba

Batsoali, Rutang Bana ba Lona Seo ba Lokelang ho se Tseba

Re phela lefatšeng le lekang ho etsa hore re nahane hore lintho tse ntle li mpe ’me tse mpe li ntle. (Esa 5:​20) Se utloisang bohloko ke hore batho ba bang ba etsa lintho tseo Jehova a li hloileng tse akarelletsang boitšoaro bo bobe bo etsoang ke batho ba bong bo tšoanang. Ha bacha ba le sekolong, lithaka tsa bona kapa batho ba bang ba ka leka ho ba hatella hore le bona ba etse lintho tse mpe tseo ba li etsang. U ka thusa bana ba hao joang hore ba hlole liteko tseo le tse ling?

Ruta bana ba hao ka melao ea Jehova. (Le 18:3) Hanyane ka hanyane, ba rute hore na Bibele e re’ng ka thobalano empa seo u ba bolellang sona se tla itšetleha ka hore na ba lilemo li kae le hore na ba tla utloisisa hakae. (De 6:7) Ipotse: ‘Na ke rutile bana baka hore na tsela e nepahetseng ea ho bontša lerato ke efe, hore na ke hobane’ng ha ba lokela ho apara ka tsela e hlomphehang le hore batho ha baa lokela ho ba tšoara moo ba sa lokelang ho ba tšoara teng? Na bana baka baa tseba hore na ba lokela ho etsa’ng ha motho a ba bontša libuka, livideo kapa litšoantšo tse tsosang takatso ea ho etsa thobalano kapa a ba kopa hore ba etse ntho eo Jehova a reng e fosahetse?’ Ha bana ba hao ba tseba hore na ba lokela ho etsa’ng, seo se tla ba thusa hore ba qobe mathata. (Lipr 27:​12; Moe 7:​12) Kahoo ha u ruta bana ba hao, u bontša hore u nka letlotlo leo Jehova a u fileng lona e le la bohlokoa.​—Pes 127:3.

SHEBELLANG VIDEO EA HAHA LELAPA LE MATLA​—SIRELETSA BANA BA HAO “HO SE SEBE” EBE KAMOR’A MOO LE ARABA LIPOTSO TSE LATELANG:

  • Ke hobane’ng ha ho le thata hore batsoali ba bang ba rute bana ba bona ka thobalano?

  • Ke hobane’ng ha batsoali ba tlameha ho ruta bana ba bona ka “taeo le kelello e laoloang ke Jehova”?​—Ef 6:4

  • Ho ba le tsebo hoa re sireletsa

    Mokhatlo oa Jehova o fane ka eng e thusang batsoali hore ba rute bana ba bona ka thobalano?​—w19.05 12, lebokose

  • Ke hobane’ng ha u lokela ho bua le bana ba hao kamehla pele ba ba le mathata?