Fetela boitsebisong

Fetela lethathamong la tse ka hare

 PHELA JOALOKA MOKRESTE

Kamoo re ka Qalang Moqoqo re Sebelisa Lipampitšana

Kamoo re ka Qalang Moqoqo re Sebelisa Lipampitšana

Ho tloha ka January 2018, haesale leqephe le ka holimo la Bukana ea Seboka sa Bophelo ba Bokreste le Tšebeletso le e-na le mehlala ea seo re ka se buang le batho. Re khothalelitsoe hore re qoqe le batho ho e-na le hore re ba fe lingoliloeng feela. Ho ’nile ha e-ba le livideo tse re thusang ho qalisa moqoqo re sebelisa Bibele. Empa taba ena ha e bolele hore ha re sa tla hlola re fa beng ba matlo lingoliloeng. Mohlala, lipampitšana li ka re thusa ho qalisa moqoqo le batho. Ha u fana ka pampitšana leha e le efe, u ka etsa lintho tse latelang:

  1. Botsa potso e ka holimo ebe u kopa mong’a ntlo hore a khethe karabo ho tse tharo tse bontšitsoeng.

  2. Mo bontše karabo ea Bibele e hlahang leqepheng la bobeli. Haeba nako e lumela, le ka bala la ba la buisana ka lintlha tse ka har’a pampitšana.

  3. Fa mong’a ntlo pampitšana ebe u mo kopa hore a sale a e bala ha a na le nako.

  4. Pele u tsamaea, mo bontše karolo ea “U ka ’na ua Ipotsa” ebe oa mo bolella hore le tla tla le arabela potso e hlahang moo ka Bibele nakong e tlang.

Ha u khutlela ho eena, araba potso ’me u mo siee ka e ’ngoe eo le tla e arabela nakong e tlang. U ka khetha potso e hlahang websaeteng kapa e ka har’a sengoliloeng se hlahang ka morao pampitšaneng. U ka mo fa bukana ea Litaba Tse Molemo Tse Tsoang ho Molimo! kapa sengoliloeng leha e le se fe se hlahang tlas’a Teaching Toolbox ka nako e loketseng.