Fetela boitsebisong

Fetela lethathamong la tse ka hare

 PHELA JOALOKA MOKRESTE

Re na le Tlotla ea ho Haha le ho Hlokomela Libaka Tsa Rōna Tsa Borapeli

Re na le Tlotla ea ho Haha le ho Hlokomela Libaka Tsa Rōna Tsa Borapeli

Ho ne ho hlokahala hore Baiseraele ba sebetse ka thata ba be ba fane ka menehelo e le hore tempele ea Iseraele e hahoe. Ba ile ba sebetsa ka mafolofolo. (1Likr 29:2-9; 2Likr 6:7, 8) Tsela eo ba neng ba hlokomela tempele ka eona e ile ea bontša hore na ba ne ba e-na le kamano e haufi le Jehova kapa che. (2Mar 22:3-6; 2Likr 28:24; 29:3) Bakreste ba sebetsa ka thata ho haha Liholo Tsa ’Muso le Tsa Likopano ebile baa li hloekisa le ho li hlokomela. Ho sebetsa hammoho le Jehova ke tlotla ebile ke tsela eo re mo etsetsang tšebeletso e halalelang ka eona.—Pes 127:1; Tše 7:15.

RE KA THUSA KA HORE . . . 

  • Re hloekise ka mor’a liboka. Haeba u sa khone ho etsa joalo, re kōpa u thonake lithōle tse haufi le moo u lutseng.

  • Re be teng kamehla ha ho hloekisoa Holo ea ’Muso re be re e hlokomele. Mosebetsi o ba bobebe ha batho ba o kopanetse.—lv 92-93 ¶18.

  • Re fane ka menehelo. Esita le monehelo oa ‘lichelete tse peli tsa tšepe, tsa boleng bo bonyenyane’ o fanoang ho tsoa pelong o thabisa Jehova. —Mar 12:41-44.

  • Haeba ho khoneha, re ithaopele ho haha le ho ntlafatsa libaka tsa rōna tsa borapeli. Ha ho hlokahale hore re be le tsebo ea ho haha e le hore re thusetse mosebetsing ona.