Numere 24:1-25

24  Ha Balame a bona hore ho hotle mahlong a Jehova ho hlohonolofatsa Iseraele, ha aa ka a tloha joaloka makhetlong+ a mang ho ea batla lipontšo leha e le life tsa bomalimabe tsa se tlang,+ empa o ile a lebisa sefahleho sa hae lefeelleng.  Ha Balame a phahamisa mahlo ’me a bona Iseraele e lutse ka nakoana ka meloko ea eona,+ joale moea oa Molimo oa e-ba holim ’a hae.+  Kahoo a bua puo ea hae ea maele+ ’me a re: “Se boleloang ke Balame mora oa Beore,Le se boleloang ke monna ea shahlileng le ea leihlo le bulehileng,+   Se boleloang ke ea utloang lipolelo tsa Molimo,+Ea boneng pono ea Ea Matla ’Ohle+Ha a itihela fatše mahlo a bulehile:+   Litente tsa hao li ntle hakaakang, Uena Jakobo, litabernakele tsa hao, Uena Iseraele!+   Li nametse sebakeng se selelele joaloka liphula tsa melapo e phoroselang,+Joaloka lirapa tse pel’a nōka.+Joaloka limela tsa lekhala tseo Jehova a li lemmeng,Joaloka likedare tse pel’a metsi.+   Metsi a ntse a rotha linkhong tsa hae tse peli tsa matlalo,Peō ea hae e pel’a metsi a mangata.+Le morena+ oa hae o tla phahamela Agage,+’Muso oa hae o tla phahamisoa.+   Molimo o mo ntša Egepeta;O lebelo joaloka poho e hlaha.+O tla timetsa lichaba, bahatelli+ ba hae,O tla phura masapo a tsona,+ ’me o tla li roba likoto ka marumo a hae.+   A inama, a robala joaloka tau,Joaloka tau, ke mang ea itetang sefuba ho mo tsosa?+Ba u hlohonolofatsang ba hlohonolofetse,+Ba u rohakang ba rohakiloe.”+ 10  Eaba bohale ba Balake bo tukela Balame ’me o opa liatla,+ Balake a tsoela pele ho re ho Balame: “Ke u bitselitse hore u rohake+ lira tsa ka, ’me, bona! ka makhetlo ana a mararo u li hlohonolofalitse ka ho feletseng. 11  Joale balehela sebakeng sa heno. Ke ne ke ipoleletse hore ruri ke tla u hlompha,+ empa, bona! Jehova o u hanetse ka tlhompho.” 12  Eaba Balame o re ho Balake: “Na hape ha kea ka ka bolella manģosa a hao ao u a rometseng ho ’na, ka re, 13  ‘Haeba Balake a ne a ka mpha ntlo ea hae e tletseng silevera le khauta, ke ne nke ke ka khona ho tlōla taelo ea Jehova hoo nka etsang ho molemo kapa ho hobe pelong ea ka. Ke tla bua eng kapa eng eo Jehova a e buang’?+ 14  Joale bona! ke ea ho batho ba heso. Tloo, e-re ke u eletse+ ka seo sechaba sena se tla se etsa ho batho ba heno hamorao qetellong ea matsatsi.”+ 15  Kahoo a bua puo ea hae ea maele+ ’me a re:“Se boleloang ke Balame mora oa Beore,Le se boleloang ke monna ea shahlileng ea leihlo le bulehileng,+ 16  Se boleloang ke ea utloang lipolelo tsa Molimo,+Le ea tsebang tsebo ea Ea Phahameng ka ho Fetisisa—O bone+ pono ea Ea Matla ’OhleHa a itihela fatše mahlo a hae a bulehile:+ 17  Ke tla mo bona,+ empa eseng hona joale;Ke tla mo bona, empa eseng haufi.Ka sebele naleli+ e tla tsoa ho Jakobo,’Me ruri lere la borena le tla hlaha ho Iseraele.+Ka sebele o tla pshatla litlhafunelo tsa hlooho+ ea MoabeLe mahata a bara bohle ba morusu oa ntoa. 18  Edomo e tla fetoha leruo,+E, Seire+ e tla fetoha leruo la lira tsa eona,+Ha Iseraele e bonahatsa sebete sa eona. 19  E mong o tla qala ho busa+ a tsoa ho Jakobo,’Me o tla timetsa mophonyohi leha e le ofe motseng.”+ 20  Ha a bona Amaleke, a ntšetsa pele puo ea hae ea maele ’me a tsoela pele ho re:+“Amaleke e bile oa pele lichabeng,+Empa qetello ea hae hamorao e tla ba ho timela ha hae.”+ 21  Ha a bona Bakene,+ a ntšetsa pele puo ea hae ea maele ’me a tsoela pele ho re:“Lehae la hao lea tšoarella, ’me sebaka sa hao sa bolulo se behiloe lefikeng. 22  Empa ho tla ba le ea chesang Kaine.+E tla ba halelele hakae ho fihlela Assyria e u isa kholehong?”+ 23  A ntšetsa pele puo ea hae ea maele eaba o tsoela pele ho re:“Ho malimabe! Ke mang ea tla sala a ntse a phela ha Molimo a etsa hoo?+ 24  Ho tla ba le likepe tse tlohang lebōpong la Kitime,+Ka sebele li tla hlorisa Assyria,+Ruri li tla hlorisa Ebere.Empa le eena qetellong o tla timela.” 25  Ka mor’a moo Balame a ema eaba oa tsamaea ’me o khutlela sebakeng sa habo.+ Balake le eena a tsamaea.

Mengolo e Botlaaseng ba Leqephe