Numere 21:1-35

21  Joale Mokanana morena oa Arade,+ ea neng a lula Negebe,+ a utloa hore Baiseraele ba tlile ka tsela ea Atharime, ’me a qala ho loantša Baiseraele le ho nka ba bang ba bona e le baholehuoa.  Ka lebaka leo Baiseraele ba itlama ho Jehova ’me ba re:+ “Haeba ruri u tla nehelana ka batho bana letsohong la ka, le ’na ka sebele ke tla nehela metse ea bona timetso.”+  Kahoo Jehova a mamela lentsoe la Baiseraele ’me a nehelana ka Bakanana; eaba ba nehela bona le metse ea bona timetso. Kahoo ba reha sebaka seo lebitso la Horma.+  Ha ba ntse ba tsamaea ho tloha Thabeng ea Hore+ ka tsela ea Leoatle le Lefubelu ho potoloha naha ea Edomo,+ moea oa sechaba oa qala ho khathala ka lebaka la tsela.  Sechaba sa ’na sa bua Molimo+ le Moshe+ hampe: “Ke hobane’ng ha le re ntšitse naheng ea Egepeta ho tla shoella lefeelleng?+ Etsoe ha ho na bohobe le metsi,+ ’me meea ea rōna e se e nyonya bohobe+ bona bo eisehang.”  Kahoo Jehova a romela linoha tse chefo+ har’a sechaba, ’me tsa ’na tsa loma sechaba, hoo sechaba se sengata sa Iseraele se ileng sa shoa.+  Qetellong sechaba sa tla ho Moshe sa re: “Re entse sebe,+ hobane re buile Jehova hampe le uena re u buile hampe. Re buelle ho Jehova hore a tlose linoha har’a rōna.”+ Eaba Moshe o qala ho buella sechaba.+  Joale Jehova a re ho Moshe: “Iketsetse noha ea mollo ’me u e behe holim ’a palo ea pontšo. Etlare ha mang kapa mang a lonngoe, joale o lokela ho e talima ’me kahoo o tla tsoela pele a phela.”+  Hang-hang Moshe a etsa noha ea koporo+ ’me a e beha holim ’a palo ea pontšo;+ ’me e ne e re ha noha e lomme motho ’me a talima+ noha ea koporo, joale o ne a tsoela pele a phela.+ 10  Ka mor’a moo bara ba Iseraele ba tsamaea ’me ba hloma liahelo Obothe.+ 11  Joale ba tloha Obothe ’me ba hloma liahelo Iye-abarime,+ lefeelleng le ka pel’a Moabe, ka nģ’a bochaba-tsatsi. 12  Ho tloha moo ba tsamaea ’me ba hloma liahelo pel’a phula ea molapo o phoroselang ea Zerede.+ 13  Ho tloha moo ba tsamaea ’me ba hloma liahelo sebakeng sa Arnone,+ se lefeelleng le nammeng ho tloha moeling oa Baamore; etsoe Arnone ke moeli oa Moabe, pakeng tsa Moabe le Baamore. 14  Ke ka lebaka leo ho thoeng bukeng ea Lintoa tsa Jehova: “Vahebe e Sufa le liphula tsa melapo e phoroselang tsa Arnone, 15  le mohloli oa liphula tsa melapo e phoroselang, o thinyelitseng sebakeng sa Are+ ’me oa itšetleha ka moeli oa Moabe.” 16  Ho tloha moo ba ea Beere.+ Sena ke seliba seo ka sona Jehova a itseng ho Moshe: “Bokella sechaba, ’me ke se fe metsi.”+ 17  Ka nako eo Baiseraele ba bina pina ena:+“Hlaha, Uena seliba! Arabelang ho sona! 18  Seliba, se chekiloe ke likhosana. Bahlomphehi ba sechaba ba se epile,Ka lere la molaoli,+ ka mare a bona.” Joale ba tloha lefeelleng ba ea Matana. 19  Ho tloha Matana ba ea Nahaliele, ’me ho tloha Nahaliele ba ea Bamothe.+ 20  Ho tloha Bamothe ba ea phuleng e naheng ea Moabe,+ mateanong a Pisga,+ ’me e hlahella ka holim ’a Jeshimone.+ 21  Joale Baiseraele ba romela manģosa ho Sihone+ morena oa Baamore, ba re: 22  “Ntumelle hore ke fete naheng ea hao. Re ke ke ra khelohela tšimong kapa serapeng sa morara. Ha ho seliba seo re tla noa metsi a sona. Re tla tsamaea tseleng ea morena ho fihlela re fetile naheng ea hao.”+ 23  Sihone ha aa ka a lumella Baiseraele hore ba fete naheng ea hae,+ empa Sihone a bokella batho bohle ba hae ’me a tsoa ho ea khahlanyetsa Baiseraele lefeelleng, ’me a fihla Jahaze+ eaba o qala ho loana le Baiseraele. 24  Baiseraele ba mo bolaea ka bohale ba sabole+ ’me ba hapa naha ea hae+ ho tloha Arnone+ ho ea Jaboke,+ haufi le bara ba Ammone; hobane Jazere+ ke moeli oa bara ba Ammone.+ 25  Kahoo Baiseraele ba hapa metse ena eohle, ’me Baiseraele ba qala ho lula metseng eohle ea Baamore,+ Heshbone+ le metse eohle e itšetlehileng ka eona. 26  Etsoe Heshbone e ne e le motse oa Sihone.+ E ne e le morena oa Baamore,+ ’me ke eena ea ileng a loana le morena oa Moabe pele ’me a hapa naha eohle ea hae letsohong la hae ho ea fihla Arnone.+ 27  Ke ka lebaka leo ba buang lipuo tse kobisang ba neng ba re:“Tloo Heshbone.Motse oa Sihone o ke o hahoe ’me o emisoe ka ho tiileng. 28  Etsoe mollo o tsoile Heshbone,+ lelakabe motseng oa Sihone.O chesitse Are+ ea Moabe, beng ba libaka tse phahameng tsa Arnone. 29  Ho malimabe uena, Moabe! Ka sebele le tla timela, Lōna batho ba Kemoshe!+Ka sebele o tla fana ka bara ba hae e le ba phonyohileng le barali ba hae ba kholehong ho morena oa Baamore, Sihone. 30  Kahoo a re ba fuleng.Ka sebele Heshbone o tla timela ho fihlela Dibone,+Le basali ho fihlela Nofa, banna ho fihlela Medeba.”+ 31  Baiseraele ba qala ho lula naheng ea Baamore.+ 32  Joale Moshe a romela ba bang ho ea hloela Jazere.+ Kahoo ba hapa metse e itšetlehileng ka eona ’me ba leleka Baamore ba neng ba le moo.+ 33  Ka mor’a moo ba reteleha ’me ba nyoloha ka tsela ea Bashane.+ Eaba Oge+ morena oa Bashane oa tsoa ho ea ba khahlanyetsa, eena le batho bohle ba hae, ntoeng ea Edrei.+ 34  Joale Jehova a re ho Moshe: “U se ke ua mo tšaba,+ etsoe ka sebele ke tla nehelana ka eena letsohong la hao le batho bohle ba hae le naha ea hae;+ ’me u mo etse feela joalokaha u entse Sihone, morena oa Baamore, ea neng a lula Heshbone.”+ 35  Kahoo ba bolaea eena le bara ba hae le batho bohle ba hae, ho fihlela ho se mophonyohi ea setseng ho eena;+ ’me ba hapa naha.+

Mengolo e Botlaaseng ba Leqephe