Lipesaleme 95:1-11

95  Tloong re hoeletseng ka thabo ho Jehova!+A re hooeng ka tlhōlo ho Lefika la rōna la poloko.+   A re tleng ka pel’a hae ka liteboho;+A re hoeletseng ka tlhōlo ho eena ka lipina tsa thoriso.+   Etsoe Jehova ke Molimo e moholo+Le Morena e moholo holim’a melimo e meng eohle,+   Eena eo ka letsohong la hae ho nang le botebo bo tlaase-tlaase ba lefatše+Le eo litlhōrō tsa lithaba e leng tsa hae;+   Eo leoatle, leo a le entseng, e leng la hae+Le eo matsoho a hae a entseng naha e omileng.+   Kenang, re rapele ’me re iname;+A re khumameng+ ka pel’a Jehova Moetsi oa rōna.+   Etsoe ke eena Molimo oa rōna, ’me re batho ba lekhulo la hae le linku tsa letsoho la hae.+Kajeno haeba le mamela lentsoe la hae,+   Le se ke la thatafatsa lipelo tsa lōna joaloka Meriba,+Joaloka letsatsing la Masa lefeelleng,+   Ha baholo-holo ba lōna ba mpeha tekong;+Ba ile ba ntlhahloba, ba boela ba bona mosebetsi oa ka.+ 10  Ka lilemo tse mashome a mane ke ile ka ’na ka nyonya moloko oo,+Eaba ke re:“Ke batho ba lipelo li khelohileng,+Ha ba tsebe litsela tsa ka”;+ 11  Oo ke ileng ka hlapanya bohaleng ba ka malebana le oona:+“Ba ke ke ba kena sebakeng sa ka sa phomolo.”+

Mengolo e Botlaaseng ba Leqephe