Lipesaleme 89:1-52

Maskile. Ea Ethane Moezra.+ 89  Ke tla bina ka lipontšo tsa Jehova tsa mosa o lerato esita le ho isa nakong e sa lekanyetsoang.+Ke tla tsebahatsa botšepehi ba hao ka molomo oa ka ho isa molokong o mong ka mor’a o mong.+   Etsoe ke itse: “Mosa o lerato o tla lula o hahiloe esita le ho isa nakong e sa lekanyetsoang;+Ha e le maholimo, u boloka botšepehi ba hao bo tiile ka thata ho ’ona.”+   “Ke hlabile selekane le mokhethoa oa ka;+Ke hlapanyelitse mohlanka oa ka Davida,+   ‘Ke tla tiisa peō ea hao ka thata ho isa nakong e sa lekanyetsoang,+Ke tla haha terone+ ea hao ho isa molokong o mong ka mor’a o mong.’” Selah.   Maholimo a tla roka ketso ea hao e hlollang, Jehova,+E, a roke botšepehi ba hao phuthehong ea bahalaleli.   Etsoe ke mang maholimong ea ka bapisoang le Jehova?+Ke mang ea ka tšoanang le Jehova har’a bara ba Molimo?+   Molimo o lokela ho tšajoa har’a sehlopha sa metsoalle e haufi-ufi sa bahalaleli;+O moholo ’me oa tšabeha holim’a bohle ba mo potolohileng.+   Jehova Molimo oa mabotho,+Ke mang ea matla joaloka uena, Jah?+Botšepehi ba hao bo u pota-potile ka hohle.+   U busa holim’a leoatle le phahamang;+Ha le phahamisa maqhubu a lona ua a khutsisa.+ 10  U silakantse Rahaba,+ joaloka ea bolailoeng.+U hasantse lira tsa hao ka letsoho la matla a hao.+ 11  Leholimo ke la hao,+ lefatše le lona ke la hao;+Naha e behang le se tletseng ho eona+—u li thehile.+ 12  Leboea le boroa—u ile ua li bōpa;+Tabore+ le Hermone+—li hoeletsa ka thabo ka lebitso la hao.+ 13  Letsoho le nang le bonatla ke la hao,+Letsoho la hao le matla,+Letsoho la hao le letona le phahame.+ 14  Ho loka le kahlolo ke sebaka se tiisitsoeng sa terone ea hao;+Mosa o lerato le ’nete li tla ka pel’a sefahleho sa hao.+ 15  Ho thaba batho ba tsebang mohoo oa thabo.+Jehova, ba ntse ba tsamaea leseling la sefahleho sa hao.+ 16  Ba ithabela lebitsong la hao letsatsi lohle+Ba phahamisoa ho lokeng ha hao.+ 17  Etsoe ke uena botle ba matla a bona;+Ka kamohelo ea hao lenaka la rōna le phahame.+ 18  Etsoe thebe ea rōna ke ea Jehova,+Morena oa rōna ke oa Mohalaleli oa Iseraele.+ 19  Nakong eo u ile ua bua ponong le ba tšepahalang ba hao,+Ua re:“Ke fane ka thuso ho ea matla;+Ke phahamisitse mokhethoa har’a batho.+ 20  Ke fumane mohlanka oa ka Davida;+Ke mo tlotsitse ka oli ea ka e halalelang,+ 21  Eo ho eena letsoho la ka le tlang ho tiea,+Eo hape letsoho la ka le tlang ho mo matlafatsa.+ 22  Ha ho sera se tla mo hanyapetsa,+Kapa mora ofe kapa ofe oa ho se loke ea tla mo hlorisa.+ 23  Ke ile ka silakanya bahanyetsi ba hae ka pel’a hae,+Ba mo hloileng haholo ka ’na ka ba fa likotlo.+ 24  Botšepehi ba ka le mosa oa ka o lerato li ho eena,+Lenaka la hae le phahame ka lebitso la ka.+ 25  Ke behile letsoho la hae leoatleng+Letsoho la hae le letona ka le beha linōkeng.+ 26  Oa nkhoeletsa, ‘U Ntate,+Molimo oa ka+ le Lefika la poloko ea ka.’+ 27  Hape, ke tla mo beha e le letsibolo,+Ea phahameng ka ho fetisisa oa marena a lefatše.+ 28  Ke tla mo bolokela mosa oa ka o lerato ho isa nakong e sa lekanyetsoang,+Selekane sa ka se tla tšepahala ho eena.+ 29  Ka sebele ke tla hloma peō ea hae ka ho sa feleng+Le terone ea hae joaloka matsatsi a leholimo.+ 30  Haeba bara ba hae ba tlohela molao oa ka+Ba sa tsamaee liqetong tsa ka tsa boahloli,+ 31  Haeba ba hlompholla litaelo tsa ka tse hlomamisitsoengBa sa boloke litaelo tsa ka, 32  Ke tla boela ke lebise tlhokomelo tlōlong ea bona ka thupa+Le liphosong tsa bona ka lichapo.+ 33  Empa nke ke ka felisa mosa oa ka o lerato ho eena,+Kapa ka ba ea se nang ’nete mabapi le botšepehi ba ka.+ 34  Nke ke ka hlompholla selekane sa ka,+Nke ke ka fetola polelo e tsoang molomong oa ka.+ 35  Hang ha ke hlapantse khalalelong ea ka,+Nke ke ka bolella Davida mashano.+ 36  Peō ea hae e tla ba teng ho isa nakong e sa lekanyetsoang,+Le terone ea hae joaloka letsatsi ka pel’a ka.+ 37  E tla tiisoa ka thata joaloka khoeli ho isa nakong e sa lekanyetsoang,Le joaloka paki e tšepahalang maholimong.” Selah. 38  Empa uena—u lahlile ’me u ntse u eisa;+U halefetse motlotsuoa oa hao.+ 39  U nyelisitse selekane sa mohlanka oa hao;U silafalelitse mofapa-hlooho oa hae fatše.+ 40  U helelitse masaka ’ohle a hae a majoe;+U sentse liqhobosheane tsa hae.+ 41  Bohle ba fetang ka tsela ba inketse thepa ea hae ka mahahapa;+O fetohile nyeliso ho baahelani ba hae.+ 42  U phahamisitse matsoho a matona a bahanyetsi ba hae;+U thabisitse lira tsohle tsa hae.+ 43  Ho feta moo, u boetse u tšoara sabole ea hae joaloka sera,+U entse hore a se ke a atamela ntoeng.+ 44  U felisitse khanya ea hae,+Terone ea hae u e lahletse fatše.+ 45  U khutsufalitse matsatsi a bocha ba hae;U mo apesitse lihlong.+ Selah. 46  Jehova, u tla lula u ipatile halelele hakae? Ka ho sa feleng?+Na khalefo ea hao e tla ’ne e tuke joaloka mollo?+ 47  Hopola hore na ke na le nako e kae ea bophelo.+Na ke ha lefeela u bōpileng bara bohle ba batho?+ 48  Ke monna ofe ea shahlileng ea phelang ea ke keng a bona lefu?+Na a ka pholosa moea oa hae letsohong la Sheole?+ Selah. 49  Jehova, liketso tsa hao tsa mosa o lerato tsa pele li hokae,Tseo u ileng ua hlapanyetsa Davida ka tsona botšepehing ba hao?+ 50  Jehova, hopola nyeliso e holim’a bahlanka ba hao,+Ho jara ha ka sefubeng nyeliso ea lichaba tsohle tse ngata,+ 51  Jehova, lira tsa hao li nyelisitse hakaakang,+Li nyelisitse mehato ea maoto ea motlotsuoa oa hao.+ 52  Ho bokoe Jehova ho isa nakong e sa lekanyetsoang. Amen le Amen.+

Mengolo e Botlaaseng ba Leqephe