Lipesaleme 88:1-18

Pina, pina ea thoriso ea bara ba Kora. Ho motsamaisi malebana le Mahalathe ka ho fana ka likarabelo. Maskile ea Hemane+ Moezra. 88  Jehova, Molimo oa poloko ea ka,+Ke hoelelitse motšehare,+Le bosiu ka pel’a hao.+   Thapelo ea ka e tla tla ka pel’a hao.+Sekehela mohoo oa kōpo ea ka e tiileng tsebe.+   Etsoe moea oa ka o bile le litlokotsi tse lekaneng,+Bophelo ba ka bo amile Sheole.+   Ke baliloe har’a ba theohelang ka sekoting;+Ke fetohile ea joaloka monna ea shahlileng ea se nang matla,+   Ea lokolotsoeng har’a ba shoeleng,+Joaloka ba bolailoeng ba robetseng sebakeng sa lepato,+Bao u sa kang ua hlola u ba hopolaLe ba tlositsoeng letsohong la hao le thusang.+   U nkentse ka sekoting se tebileng ho ea tlaase-tlaase,Libakeng tse lefifi, ka mohohlong o moholo.+   Khalefo ea hao e itahletse holim’a ka,+U ntlhorisitse ka maqhubu ’ohle a hao a loebehlanang.+ Selah.   U suthiselitse bao ke ba tloaetseng hōle le ’na;+U mpehile joaloka ntho e manyala haholo ho bona.+Ke thibeletsoe ’me nke ke ka tsamaea.+   Leihlo la ka le fifetse ka lebaka la mahloreho a ka.+Ke ipilelitse ho uena, Jehova, letsatsi lohle;+Ke otlolletse liatla tsa ka ho uena.+ 10  Na u tla etsetsa ba shoeleng limakatso?+Kapa na ba se nang matla lefung ba tla tsoha,+Na ba tla u roka?+ Selah. 11  Na mosa oa hao o lerato o tla boleloa sebakeng sa lepato,Botšepehi ba hao bo boleloe sebakeng sa timetso?+ 12  Na limakatso tsa hao li tla tsejoa lefifing,+Kapa ho loka ha hao ho tsejoe naheng ea tebalo?+ 13  Leha ho le joalo, Jehova, ke hoelelitse ho kōpa thuso ho uena,+Thapelo ea ka e ntse e tobana le uena hoseng.+ 14  Jehova, ke hobane’ng ha u lahla moea oa ka?+Ke hobane’ng ha u lula u mpatetse sefahleho sa hao?+ 15  Ho tloha boshanyaneng ho ea pele ke hlorile ’me ke haufi le ho shoa;+Ke mameletse lintho tse tšosang haholo tse tsoang ho uena.+ 16  Bohale ba hao bo tukang bo fetile holim’a ka;+Matšabeho a tsoang ho uena a nkhutsisitse.+ 17  A mpota-potile joaloka metsi letsatsi lohle;+Kaofela a nteetse hare ka nako e le ’ngoe. 18  U suthiselitse motsoalle le mphato hōle le ’na;+Bao ke ba tloaetseng ke sebaka se lefifi.+

Mengolo e Botlaaseng ba Leqephe