Lipesaleme 84:1-12

Bakeng sa motsamaisi malebana le Gitithe.+ Ea bara ba Kora. Pina ea thoriso. 84  Tabernakele ea hao e khōlō e ntle hakaakang,+Jehova oa mabotho!+   Moea oa ka o labalabetse ’me o hloretse mabala a Jehova.+Pelo ea ka le nama ea ka li hoeletsa ka thabo ho Molimo ea phelang.+   Esita le nonyana e fumane ntlo,Lefokotsane le iphumanetse sehlaha,Moo le behileng malinyane a lona—Aletare ea hao e khōlō, Jehova oa mabotho, Morena oa ka le Molimo oa ka!   Ho thaba ba lulang ka tlung ea hao!+Ba ntse ba tsoela pele ho u rorisa.+ Selah.   Ho thaba batho bao matla a bona a leng ho uena,+Bao ka lipelong tsa bona e leng litsela tse khōlō.+   Ha ba feta khohlong ea lihlahla tsa bak’ha,+Ba e fetola seliba;Morupeli+ o ikapesa litlhohonolofatso.   Ba tla tsamaea ba ntse ba e-ba le mafolofolo a eketsehileng;+E mong le e mong o bonahala ho Molimo Sione.+   Jehova Molimo oa mabotho, u utloe thapelo ea ka;+U mamele, Molimo oa Jakobo.+ Selah.   Uena thebe ea rōna, talima, Molimo,+U talime sefahleho sa motlotsuoa oa hao.+ 10  Etsoe letsatsi mabaleng a hao le molemo ho feta a sekete sebakeng se seng.+Ke khethile ho ema monyako ka tlung ea Molimo oa ka+Ho e-na le ho solla litenteng tsa bokhopo.+ 11  Etsoe Jehova Molimo ke letsatsi+ le thebe;+O fana ka kamohelo le khanya.+Jehova a ke ke a hanela ba tsamaeang ka ho hloka molato ka ntho leha e le efe e ntle.+ 12  Jehova oa mabotho, ho thaba motho ea u tšepileng.+

Mengolo e Botlaaseng ba Leqephe