Lipesaleme 81:1-16

Ho motsamaisi malebana le Gitithe.+ Ea Asafe. 81  Hoeletsang ka thabo ho Molimo matla a rōna;+Hooang ka tlhōlo ho Molimo oa Jakobo.+   Phokolang pina ea thoriso+ ’me le nke moropa o monyenyane,+Harepa e khahlisang hammoho le seletsa se likhoele.+   Ha khoeli e thoasitse, le letse lenaka;+Ha khoeli e tolokile, bakeng sa letsatsi la mokete oa rōna.+   Etsoe ke molao oa tsamaiso bakeng sa Iseraele,+Ke qeto ea boahloli ea Molimo oa Jakobo.   O ile a e laela Josefa e le khopotso,+Ha a tsamaea naheng ea Egepeta.+Ka ’na ka utloa puo eo ke neng ke sa e tsebe.+   “Ke ile ka suthisa lehetla la hae moroalong;+Matsoho a hae a ile a lokoloha basketeng.+   U ile ua hooa u le mahlomoleng, ’me ka u pholosa;+Ka qala ho u araba sebakeng se patehileng sa sealuma.+Ka u hlahloba metsing a Meriba.+ Selah.   Utloang, Lōna batho ba ka, ’me ke tla paka khahlanong le lōna,+Uena Iseraele, haeba u tla ’mamela.+   Ho ke ke ha e-ba le molimo osele har’a lōna;+Le ke ke la inamela molimo osele.+ 10  ’Na, Jehova, ke Molimo oa lōna,+Ea le ntšang naheng ea Egepeta.+Ahlamisang melomo, ’me ke tla e tlatsa.+ 11  Empa batho ba ka ha baa mamela lentsoe la ka;+Baiseraele ha baa ka ba mpontša boikemisetso leha e le bofe.+ 12  Kahoo ke ile ka ba tlohela hore ba tsamaee ka manganga a lipelo tsa bona;+Ba ile ba qala ho tsamaea ka merero ea bona.+ 13  Hoja batho ba ka ba ne ba ’mamela,+Hoja Baiseraele ba ne ba ka tsamaea litseleng tsa ka!+ 14  Ke ne ke tla kokobetsa lira tsa bona habonolo,+Ke ne ke tla lebisa letsoho la ka khahlanong le bahanyetsi ba bona.+ 15  Ha e le ba hloileng Jehova haholo, ba tla tla ho eena ba ikokobelitse,+Nako ea bona e tla ba teng ho isa nakong e sa lekanyetsoang. 16  O tla ’ne a ba fepe mafura a koro,+Ke tla le khotsofatsa ka mahe a linotši a tsoang lefikeng.”+

Mengolo e Botlaaseng ba Leqephe