Lipesaleme 78:1-72

Maskile. Ea Asafe.+ 78  Lōna batho ba ka, le mamele molao oa ka;+Sekehelang lipolelo tsa molomo oa ka tsebe.+   Ke tla ahlamisa molomo oa ka ka polelo ea maele;+Ke tla etsa hore lilotho tsa khale li phalle,+   Tseo re li utloileng le ho li tseba,+Le tseo bo-ntat’a rōna ba re phetetseng tsona;+   Tseo re sa li pateleng bara ba bona,+Tseo re li phetelang le moloko o tlang ho tla,+Lithoriso tsa Jehova le matla a hae+Le lintho tsa hae tse hlollang tseo a li entseng.+   A hlahisa khopotso Jakobo,+A beha molao Iseraele,+Lintho tseo a ileng a li laela baholo-holo ba rōna,+Hore ba li tsebise bara ba bona;+   E le hore moloko o tlang ho tla, bara ba neng ba tla tsoaloa, ba ka li tseba,+E le hore ba ka ema ’me ba li phetela bara ba bona,+   Le hore ba ka beha kholiseho ea bona ho Molimo+Ba se ke ba lebala liketso tsa Molimo+ empa ba boloke litaelo tsa hae.+   Ha baa lokela ho ba joaloka baholo-holo ba bona,+Moloko o manganga le o tletseng borabele,+Moloko o neng o sa lokisa lipelo tsa oona+Oo moea oa oona o neng o sa tšepahale ho Molimo.+   Bara ba Efraime, le hoja e le ba hlometseng ba fulang ka seqha,+Ba ile ba ikhula letsatsing la ntoa.+ 10  Ha baa ka ba boloka selekane sa Molimo,+Ba ile ba hana ho tsamaea molaong oa hae.+ 11  Hape ba ile ba qala ho lebala mesebetsi ea hae+Le mesebetsi ea hae e hlollang eo a ileng a etsa hore ba e bone.+ 12  O ne a entse lintho tse hlollang ka pel’a baholo-holo ba bona+Naheng ea Egepeta,+ naheng ea Zooane.+ 13  A arola leoatle, e le hore a ka ba fetisa,+A etsa hore metsi a eme joaloka letamo.+ 14  A tsoela pele ho ba tsamaisa ka leru motšehare+Bosiu bohle a ba tsamaisa ka khanya ea mollo.+ 15  A petsola mafika lefeelleng,+E le hore a ka etsa hore ba noe ho hongata feela joaloka maliba.+ 16  A qala ho hlahisa melapo lefikeng+A etsa hore metsi a theohe feela joaloka linōka.+ 17  Ba ’na ba mo siteloa ka ho eketsehileng+Ka ho fetohela Ea Phahameng ka ho Fetisisa sebakeng se se nang metsi;+ 18  Ba leka Molimo ka lipelong tsa bona+Ka ho kōpela meea ea bona se jeoang.+ 19  Kahoo ba qala ho bua Molimo hampe.+Ba re: “Na Molimo o khona ho teka tafole lefeelleng?”+ 20  Bonang! O ile a otla lefika+E le hore metsi a ka phalla le melapo e phoroselang ea phalla.+“Na o boetse o khona ho fana ka bohobe,+Kapa na a ka lokisetsa lintho tsa ho iphelisa bakeng sa batho ba hae?”+ 21  Ke ka lebaka leo Jehova a ileng a utloa ’me a qala ho halefa;+Mollo oa hotetsoa khahlanong le Jakobo,+Bohale le bona ba nyoloha khahlanong le Iseraele.+ 22  Etsoe ha baa ka ba beha tumelo ho Molimo,+Ha baa ka ba tšepa poloko ea hae.+ 23  A laela maholimo a koahetsoeng ke maru holimo,A bula mamati a leholimo.+ 24  A ’na a ba nesetsa manna hore ba je,+A ba fa lijo-thollo tsa leholimo.+ 25  Batho ba ja bohobe ba batho ba matla;+A ba romela mefaho ho fihlela ba khotsofetse.+ 26  A qala ho etsa hore moea oa bochabela o foke ka matla maholimong+Le ho etsa hore moea oa boroa o foke ka matla a hae.+ 27  A ba nesetsa lintho tsa ho iphelisa feela joaloka lerōle,+Le libōpuoa tse fofang tse nang le mapheo feela joaloka lehlabathe la maoatle.+ 28  A ’na a li lihela ka har’a liahelo tsa hae,+Ho pota-pota litabernakele tsa hae ka hohle.+ 29  Ba ja ’me ba ikhotsofatsa haholo,+A ba tlisetsa seo ba se lakatsang.+ 30  Ba ne ba sa suthela thōko le takatso ea bona,Ha lijo li sa ntse li le ka mahanong a bona,+ 31  Ha khalefo ea Molimo e theohela holim’a bona.+A qala ho bolaea har’a linatla tsa bona;+A liha bahlankana ba Iseraele. 32  Ho sa tsotellehe sena sohle ba etsa sebe ka ho eketsehileng+Ba se ke ba beha tumelo mesebetsing ea hae e hlollang.+ 33  Kahoo a felisa matsatsi a bona joalokaha eka ke pululo feela,+A felisa lilemo tsa bona ka khathatso. 34  Nako le nako ha a ne a ba bolaea, le bona ba ne ba botsa ka eena,+Ebe baa khutla ’me ba batla Molimo.+ 35  Ba qala ho hopola hore Molimo ke Lefika la bona,+Le hore Molimo ea Phahameng ka ho Fetisisa ke Mopheteletsi oa bona.+ 36  Ba leka ho mo thetsa ka melomo ea bona;+Ba leka ho mo bolella leshano ka maleme a bona.+ 37  Lipelo tsa bona li ne li sa tiea ho eena;+Ha baa ka ba tšepahala selekaneng sa hae.+ 38  Empa o ne a le mohau;+ o ne a koahela phoso+ ’me a sa tlise pheliso.+A khutlisa bohale ba hae ka makhetlo a mangata,+O ne a sa tsose khalefo eohle ea hae. 39  A ’na a hopola hore ke nama,+Hore moea oa tsoa ’me ha o khutle.+ 40  Ba ne ba mo fetohela hangata hakaakang lefeelleng,+Ba mo utloisa bohloko lehoatateng!+ 41  Ka makhetlo-khetlo ba ne ba leka Molimo,+Ba utloisa Mohalaleli oa Iseraele bohloko.+ 42  Ha baa ka ba hopola letsoho la hae,+Letsatsi leo a ileng a ba lopolla ka lona ho mohanyetsi,+ 43  Kamoo a ileng a beha lipontšo tsa hae Egepeta+Le mehlolo ea hae naheng ea Zooane;+ 44  Le kamoo a ileng a qala ho fetola melatsoana ea bona ea Nile mali,+Hoo ba neng ba ke ke ba noa melapong ea bona.+ 45  A ba romela liboba, e le hore li ka ba ja;+Le lihoho, e le hore li ka ba felisa.+ 46  A qala ho fa maphele lihlahisoa tsa bona,Seo ba se sehletseng ka thata a se fa litsie.+ 47  A qala ho bolaea lifate tsa bona tsa morara ka sefako+Le lifate tsa bona tsa sikamora ka majoe a sefako.+ 48  A nehella lipelesa tsa bona sefako+Liphoofolo tsa bona tse ruiloeng a li nehella feberu e chesang. 49  A qala ho ba romela bohale ba hae bo tukang,+Khalefo le nyatso le mahlomola,+Moifo oa mangeloi a tlisang tlokotsi.+ 50  A lokisa tsela bakeng sa bohale ba hae.+Ha aa ka a thibela meea ea bona hore e se ke ea shoa;A nehelana ka bophelo ba bona lefung la seoa.+ 51  Qetellong a bolaea matsibolo ’ohle Egepeta,+Tšimoloho ea matla a bona a ho ikatisa litenteng tsa Kama.+ 52  Ka mor’a moo a etsa hore batho ba hae ba tlohe feela joaloka mohlape,+A ba tsamaisa joaloka mohlape lefeelleng.+ 53  A ’na a ba tsamaisa ba sireletsehile, ’me ba ne ba sa tšohe;+Leoatle la koahela lira tsa bona.+ 54  A ba tlisa sebakeng sa hae se halalelang,+Sebaka sena se lithaba seo letsoho la hae le letona le se fumaneng.+ 55  Ka lebaka la bona a leleka lichaba butle-butle,+A qala ho ba arolela lefa ka khoele ea ho lekanya,+Hoo a ileng a etsa hore meloko ea Iseraele e lule malapeng a eona.+ 56  Ba qala ho leka le ho fetohela Molimo ea Phahameng ka ho Fetisisa,+Ha baa ka ba boloka likhopotso tsa hae.+ 57  Hape ba ’na ba kheloha ’me ba etsa ka bolotsana joaloka baholo-holo ba bona;+Ba reteleha joaloka seqha se sa tieang.+ 58  Ba ’na ba mo siteloa ka libaka tsa bona tse phahameng,+Ba ’na ba mo susumelletsa poulelong ka litšoantšo tsa bona tse betliloeng.+ 59  Molimo a utloa+ ’me a halefa,+Kahoo a eisa Baiseraele haholo.+ 60  Qetellong a furalla tabernakele ea Shilo,+Tente eo a neng a lula ho eona har’a batho ba lefatše.+ 61  A nehelana ka matla a hae kholehong+A nehelana ka botle ba hae letsohong la mohanyetsi.+ 62  A ’na a nehella batho ba hae sabole,+A halefela lefa la hae.+ 63  Bahlankana ba hae ba chesitsoe ke mollo,Baroetsana ba hae ha baa ka ba rorisoa.+ 64  Ha e le baprista ba hae, ba oa ka sabole,+Bahlolohali ba bona ha baa ka ba lla.+ 65  Joale Jehova a qala ho tsoha joalokaha eka o tsoha borokong,+Joaloka ea matla ea hlaphoheloang veineng.+ 66  A qala ho otla bahanyetsi ba hae a hlaha ka morao;+A ba fa nyeliso e hlolang ka nako e sa lekanyetsoang.+ 67  A lahla tente ea Josefa;+Ha aa ka a khetha moloko oa Efraime.+ 68  Empa a khetha moloko oa Juda,+Thaba ea Sione, eo a e ratileng.+ 69  A qala ho haha sehalalelo sa hae feela joaloka libaka tse phahameng,+Joaloka lefatše leo a le thehileng ho isa nakong e sa lekanyetsoang.+ 70  Kahoo a khetha mohlanka oa hae Davida+A mo nka masakeng a mohlape.+ 71  Ho tloha ho lateleng lithole tse anyesang+A mo tlisa hore e be molisa oa batho ba hae Jakobo+Le oa lefa la hae Iseraele.+ 72  A qala ho ba lisa ho ea ka botšepehi ba pelo ea hae,+A qala ho ba tsamaisa ka tsebo ea matsoho a hae.+

Mengolo e Botlaaseng ba Leqephe