Lipesaleme 77:1-20
Ho motsamaisi malebana le Jeduthune. Ea Asafe.+ Pina ea thoriso.
77 Ke tla hoeletsa ho Molimo ka lentsoe la ka,+Ke hoeletse ho Molimo ka lentsoe la ka, ’me ka sebele o tla ’mamela.+
2 Ke batlile Jehova letsatsing la mahlomola a ka.+Bosiu letsoho la ka le ’nile la otloloha ’me ha le felloe ke matla;Moea oa ka o hanne ho tšelisoa.+
3 Ke tla hopola Molimo ’me ke be morusu;+Ke tla bontša ho tšoenyeha, e le hore moea oa ka o ka tepella.+ Selah.
4 U tšoere lintši tsa ka;+Ke khathatsehile, ’me ha ke khone ho bua.+
5 Ke nahanne ka matsatsi a khale,+Ka lilemo tsa nako e sa lekanyetsoang e fetileng.
6 Ke tla hopola ’mino oa ka oa seletsa se likhoele bosiu;+Ke tla bontša ho tšoenyeha ka pelo ea ka,+Moea oa ka o tla batlisisa.
7 Na Jehova o tla ’ne a lahle ho isa linakong tse sa lekanyetsoang,+Na ha a sa tla hlola a khahloa?+
8 Na mosa oa hae o lerato o felile ka ho sa feleng?+Na polelo ea hae e fetohile lefeela+ ho isa molokong o mong ka mor’a o mong?
9 Na Molimo o lebetse ho bontša mohau,+Kapa na o thibile mehauhelo ea hae ka bohale?+ Selah.
10 Na ke tla ’ne ke re: “Sena ke se ntlhabang,+Ho fetoha ha letsoho le letona la Ea Phahameng ka ho Fetisisa”?+
11 Ke tla hopola liketso tsa Jah;+Etsoe ke tla hopola ketso ea hao e hlollang ea khale.+
12 Ka sebele ke tla thuisa ka mosebetsi oohle oa hao,+Ke tla nahanisisa ka mesebetsi ea hao.+
13 Molimo, tsela ea hao e sebakeng se halalelang.+Ke mang eo e leng Molimo e moholo joaloka Molimo?+
14 Ke uena Molimo oa ’nete, ea etsang lintho tse hlollang.+U tsebahalitse matla a hao har’a lichaba.+
15 U lopolotse batho ba hao ka letsoho la hao,+Bara ba Jakobo le ba Josefa. Selah.
16 Metsi a u bone, Molimo,Metsi a u bone; a ile a qala ho utloa bohloko bo boholo.+Hape, boliba bo ile ba qala ho tsukutleha.+
17 Maru a tšolotse metsi ka lialuma;+Maholimo a koahetsoeng ke maru a ntšitse molumo.Hape, metsu ea hao e ile ea ea mona le mane.+
18 Molumo oa sealuma sa hao o ne o le joaloka mabili a koloi;+Mahalima a khantšitse naha e behang;+Lefatše le ile la tsukutleha ’me la qala ho reketla.+
19 Tsela ea hao e ne e pholletsa le leoatle,+Tsela ea hao e ne e pholletsa le metsi a mangata;Mehato ea maoto a hao ha ea tsejoa.
20 U tsamaisitse batho ba hao feela joaloka mohlape,+Ka letsoho la Moshe le la Arone.+
