Lipesaleme 72:1-20

Mabapi le Solomone. 72  Molimo, u fe morena liqeto tsa hao tsa boahloli,+U fe mora oa morena ho loka ha hao.+   E se eka a ka buella nyeoe ea batho ba hao ka ho loka+Le ea batho ba hao ba hlorileng ka qeto ea boahloli.+   Lithaba li ke li ise khotso ho batho,+Le maralla, ka ho loka.   A ke a ahlole ba hlorileng ba sechaba,+A pholose bara ba mofutsana,A silakanye molotsana.   Ba tla u tšaba hafeela ho ntse ho e-na le letsatsi,+Le ka pel’a khoeli ho isa molokong o mong ka mor’a o mong.+   O tla theohela holim’a joang bo kutiloeng joaloka pula,+Joaloka lipula tsa melupe tse kolobisang lefatše.+   Matsatsing a hae ea lokileng o tla atleha,+Khotso e tla ba ngata ho fihlela khoeli e se e le sieo.+   O tla ba le bafo ho tloha leoatleng le leng ho ea ho le leng+Le ho tloha Nōkeng+ ho ea lipheletsong tsa lefatše.+   Baahi ba libaka tse se nang metsi ba tla inama ka pel’a hae,+Lira tsa hae li tla nyeka lerōle.+ 10  Marena a Tarshishe le a lihlekehleke+A tla ntša sethabathaba.+Marena a Sheba le a Seba—A tla hlahisa mpho.+ 11  Marena ’ohle a tla itihela fatše ka lifahleho ho eena;+Lichaba tsohle li tla mo sebeletsa.+ 12  Etsoe o tla lopolla ea futsanehileng ea hoeletsang ho kōpa thuso,+Le ea hlorileng le mang kapa mang ea se nang mothusi.+ 13  O tla utloela ea tlaase bohloko le ea futsanehileng,+O tla pholosa meea ea ba futsanehileng.+ 14  O tla lopolla meea ea bona khatellong le pefong,Mali a bona e tla ba a bohlokoa mahlong a hae.+ 15  A ke a phele,+ ’me a fuoe khauta e ’ngoe ea Sheba.+A etsetsoe thapelo kamehla;A bokoe letsatsi lohle.+ 16  Ho tla ba le lijo-thollo tse ngata lefatšeng;+Ho tla ba le nala holim’a litlhōrō tsa lithaba.+Litholoana tsa hae li tla ba joaloka Lebanone,+Ba tsoang motseng ba tla thunya joaloka limela tsa naha.+ 17  Lebitso la hae le ke le be teng ho isa nakong e sa lekanyetsoang;+Lebitso la hae le be leholo ka pel’a letsatsi,Ba ke ba itlhohonolofatse ka eena;+Lichaba tsohle li ke li phatlalatse hore o thabile.+ 18  Ho bokoe Jehova Molimo, Molimo oa Iseraele,+Ea etsang mesebetsi e hlollang a le mong.+ 19  Ho bokoe lebitso la hae le khanyang ho isa nakong e sa lekanyetsoang,+Khanya ea hae e tlale lefatšeng lohle.+Amen le Amen. 20  Lithapelo tsa Davida, mora oa Jese,+ li fihlile sephethong.

Mengolo e Botlaaseng ba Leqephe