Lipesaleme 71:1-24

71  Jehova, ke tšabetse ho uena.+E se eka nke ke ka hlajoa ke lihlong le ka mohla.+   E se eka u ka ntopolla le ho mpholosa ka ho loka ha hao.+Ntšekehele tsebe ’me u mpholose.+   E-ba qhobosheane ea ka ea lefika eo ke kenang ho eona kamehla.+U laele hore ke pholosoe,+Etsoe u lefika la ka le qhobosheane ea ka.+   Molimo oa ka, u mpholose letsohong la ea khopo,+Seatleng sa ea itšoarang ka mokhoa o hlokang toka le ka mokhoa o hatellang.+   Etsoe u tšepo ea ka,+ ’Musi Morena Jehova, u kholiseho ea ka ho tloha bocheng ba ka.+   Ke itšetlehile ka uena ho tloha ha ke le ka mpeng;+Ke uena Ea nkarotseng lithong tse ka hare tsa ’Mè.+Thoriso ea ka e ea ho uena kamehla.+   Ke fetohile ea joaloka mohlolo ho batho ba bangata;+Empa u setšabelo sa ka se matla.+   Molomo oa ka o tletse thoriso ea hao,+Letsatsi lohle o tletse botle ba hao.+   U se ke ua ntahla nakong ea botsofali;+Ha ke felloa ke matla, u se ke ua ntlohela.+ 10  Etsoe lira tsa ka li itse mabapi le ’na,+Le ba lisitseng moea oa ka ba eletsane hammoho,+ 11  Ba re: “Molimo o mo lahlile.+Mo lelekiseng ’me le mo tšoare, etsoe ha ho na molopolli.”+ 12  Molimo, u se ke ua emella hōle le ’na.+Molimo oa ka, u potlakele ho nthusa.+ 13  E se eka ba hanyetsang moea oa ka ba ka hlajoa ke lihlong, e se eka ba ka fela.+E se eka ba mpatlelang tlokotsi ba ka ikoahela ka nyeliso le ho kokobetsoa.+ 14  Empa ha e le ’na, ke tla leta kamehla,+Ke tla ekeletsa thorisong eohle ea hao. 15  Molomo oa ka o tla pheta ho loka ha hao ka ho qaqileng,+O phete poloko ea hao letsatsi lohle,+Etsoe ha kea tseba manane a tsona.+ 16  Ke tla tla ka matla a maholo,+ ’Musi+ Morena Jehova;Ke tla bolela ho loka ha hao, ha hao u le mong.+ 17  Molimo, u nthutile ho tloha bocheng ba ka ho ea pele,+Ho fihlela joale ke ntse ke bolela mesebetsi ea hao e hlollang.+ 18  Esita le ho fihlela botsofaling le bohlooho-putsoeng, Molimo, u se ke ua ntlohela,+Ho fihlela nka bolela letsoho la hao molokong,+Ke bolele ka matla a hao ho bohle ba tlang ho tla.+ 19  Ho loka ha hao, Molimo, ho fihla sebakeng se phahameng;+Mabapi le lintho tse khōlō tseo u li entseng,+Molimo, ke mang ea tšoanang le uena?+ 20  Kahobane u entse hore ke bone mahlomola le litlokotsi tse ngata,+E se eka u ka ntlhasimolla hape;+E se eka u ka boela ua ’nyolla bolibeng ba lefatše.+ 21  E se eka u ka eketsa boholo ba ka,+E se eka u ka mpota-pota le ho ntšelisa.+ 22  Le ’na, ke tla u roka ka seletsa sa mofuta o likhoele,+Mabapi le ’nete ea hao, Molimo oa ka.+Ke tla u binela lipina tsa thoriso ka harepa, Uena Mohalaleli oa Iseraele.+ 23  Molomo oa ka o tla hoeletsa ka thabo ha ke u binela lipina tsa thoriso,+Esita le moea oa ka oo u o lopolotseng.+ 24  Hape, leleme la ka le tla bolela ho loka ha hao ka lentsoe le tlaase letsatsi lohle,+Etsoe ba hlabiloe ke lihlong, kaha ba soabile, ba mpatlelang tlokotsi.+

Mengolo e Botlaaseng ba Leqephe