Lipesaleme 7:1-17

Koli-ea-malla ea Davida eo a ileng a e binela Jehova malebana le mantsoe a Kushe Mobenjamine. 7  Jehova Molimo oa ka,+ ke tšabetse ho uena.+Mpholose ho bohle ba ntlhorisang ’me u ntopolle,+   E le hore ho se ke ha e-ba le ea rusollang moea oa ka likoto joalokaha tau e etsa,+Ea ntlhoibilang ha ho se molopolli.+   Jehova Molimo oa ka, haeba ke entse sena,+Haeba ho e-na le ho hloka toka leha e le hofe matsohong a ka,+   Haeba ke buselelitse se sebe ho ea mputsang,+Kapa haeba ke tlatlapile mang kapa mang ea bontšang bora ho ’na ntle ho katleho,+   Sera se ke se lelekise moea oa ka+Se ke se fihlele bophelo ba ka ’me se bo hatakele fatšeSe etse hore khanya ea ka e lule lerōleng. Selah.   Tsoha, Jehova, bohaleng ba hao;+Phahama ha ba bontšang bora ho ’na ba tlakoloha ka khalefo,+U tsohe bakeng sa ka,+ kaha u fane ka taelo bakeng sa kahlolo.+   Phutheho ea lichaba e ke e u teele hare,U khutlele sebakeng se phahameng khahlanong le eona.   Jehova o tla liha kahlolo holim’a lichaba.+Jehova, nkahlole ho ea ka ho loka ha ka+Le ho ea ka botšepehi ba ka+ bo ka ho ’na.   Ka kōpo, e se eka bobe ba ba khopo bo ka fela,+E se eka u ka tiisa ea lokileng;+Molimo e le ea lokileng+ o leka pelo+ le liphio.+ 10  Thebe ea ka e ho Molimo,+ Mopholosi oa ba lipelo li lokileng.+ 11  Molimo ke Moahloli ea lokileng,+Molimo o nyatsa letsatsi le leng le le leng. 12  Haeba mang kapa mang a sa khutle,+ sabole ea Hae o tla e leotsa,+Ka sebele o tla koba seqha sa hae, ’me o tla se lokisetsa ho fula.+ 13  O tla itokisetsa likofuto tsa lefu;+Metsu ea hae o tla e etsa e tukang.+ 14  Bonang! Ho na le ea emereng se kotsi,+O emotse khathatso ’me o tlameha ho tsoala leshano.+ 15  O epile sekoti, ’me a tsoela pele ho se cheka;+Empa o tla oela ka sekoting seo a ileng a se etsa.+ 16  Khathatso ea hae e tla khutlela hloohong ea hae,+Pefo ea hae e tla theohela holim’a hlooho ea hae.+ 17  Ke tla roka Jehova ho ea ka ho loka ha hae,+Ke tla binela lebitso+ la Jehova ea Phahameng ka ho Fetisisa+ lipina tsa thoriso.

Mengolo e Botlaaseng ba Leqephe