Lipesaleme 61:1-8
Ho motsamaisi oa liletsa tse likhoele. Ea Davida.
61 Molimo, u utloe mohoo oa ka oa kōpo e tiileng.+U ele thapelo ea ka hloko.+
2 Ke tla hoeletsa ho uena ho tloha pheletsong ea lefatše, ha pelo ea ka e tepella.+E se eka u ka nkisa lefikeng le mphahametseng.+
3 Etsoe u bile setšabelo sa ka,+Tora e matla ka pel’a sera.+
4 Ke tla ba moeti tenteng ea hao ho isa linakong tse sa lekanyetsoang;+Ke tla tšabela tšireletsong ea mapheo a hao.+ Selah.
5 Etsoe Molimo, u mametse boitlamo ba ka.+U mphile letlotlo la ba tšabang lebitso la hao.+
6 U tla eketsa matsatsi matsatsing a morena;+Lilemo tsa hae li tla ba joaloka moloko o mong ka mor’a o mong.+
7 O tla lula ho isa nakong e sa lekanyetsoang ka pel’a Molimo;+U abele mosa o lerato le ’nete, hore li mo sireletse.+
8 Kahoo ke tla binela lebitso la hao lipina tsa thoriso ka ho sa feleng,+E le hore nka phetha boitlamo ba ka letsatsi le letsatsi.+
