Lipesaleme 57:1-11

Ho motsamaisi. “U se ke ua senya.” Ea Davida. Miktame. Ha a baleha ka lebaka la Saule, a kena ka lehaheng.+ 57  Mpontše mohau, Molimo, u mpontše mohau,+Etsoe moea oa ka o tšabetse ho uena;+Ke tšabela moriting oa mapheo a hao ho fihlela litsietsi li feta.+   Ke hoeletsa ho Molimo ea Phahameng ka ho Fetisisa, ho Molimo oa ’nete ea ba felisang ka lebaka la ka.+   O tla romeletsa a le leholimong ’me a mpholose.+Ka sebele o tla ferekanya ea nkomanyang.+ Selah.Molimo o tla romela mosa oa hae o lerato le ’nete ea hae.+   Moea oa ka o har’a litau;+Nke ke ka etsa letho haese ho robala har’a ba harolang, bara ba batho,Bao meno a bona e leng marumo le metsu,+Le bao maleme a bona e leng sabole e bohale.+   U phahamisoe ka holim’a maholimo, Molimo;+Khanya ea hao e ke e be ka holim’a lefatše lohle.+   Ba lokisitse letlooa bakeng sa mehato ea ka;+Moea oa ka o iname.+Ba chekile lemena ka pel’a ka;Ba oetse ka har’a lona.+ Selah.   Pelo ea ka e tiile, Molimo,+Pelo ea ka e tiile.Ke tla bina ’me ke tsanyaole lipina tsa thoriso.+   U tsohe, Uena khanya ea ka;+U tsohe, Uena seletsa se likhoele; le uena harepa.+ Ke tla tsosa mafube.   Ke tla u roka har’a lichaba, Jehova;+Ke tla u binela lipina tsa thoriso har’a lihlopha tsa lichaba.+ 10  Etsoe mosa oa hao o lerato o moholo ho ea fihla maholimong,+Le ’nete ea hao e khōlō ho ea fihla maholimong.+ 11  U phahamisoe ka holim’a maholimo, Molimo;+Khanya ea hao e ke e be ka holim’a lefatše lohle.

Mengolo e Botlaaseng ba Leqephe