Lipesaleme 55:1-23

Ho motsamaisi oa liletsa tse likhoele. Maskile. Ea Davida. 55  U mamele thapelo ea ka, Molimo;+U se ke ua ipatela kōpo ea ka ea mohau.+   U nkele hloko ’me u nkarabe.+Ke khannoa ka ho hloka phomolo ke ho tšoenyeha ha ka,+Ke bontša ho khathatseha feela,   Ka lebaka la lentsoe la sera, ka lebaka la khatello ea ea khopo.+Etsoe ba ntse ba akhela se kotsi holim’a ka,+Ka bohale ba nkoetlela lehloeo.+   Pelo ea ka e utloa bohloko bo boholo ka hare ho ’na,+Tšabo ea lefu e nkoetse holimo.+   Tšabo, e, ho thothomela ho kena ka ho ’na,+Ho tlakasela hoa nkoahela.   Ke ntse ke re: “Hoja ke ne ke e-na le mapheo joaloka leeba!+Ke ne ke tla fofa ’me ke lule moo.+   Bonang! Ke ne ke tla balehela hōle;+Ke ne ke tla lula lefeelleng.+Selah   Ke ne ke tla potlakela sebakeng sa ka sa ho pholohaMoeeng o fokang ka sekhahla, sefefong se matla.”+   Jehova, ferekanya puo ea bona u e arole,+Etsoe motseng ke bone pefo le ho pheha khang.+ 10  Bosiu le motšehare ba o pota holim’a marako a oona;+Se kotsi le khathatso li ka har’a oona.+ 11  Litsietsi li ka har’a oona;Khatello le thetso ha lia tloha lepatlelong la oona.+ 12  Etsoe hase sera se ’nyelisitseng;+Ho seng joalo ke ne ke tla ho mamella.Hase ea ntlhoileng haholo ea ikhohomosetsang ’na;+Ho seng joalo ke ne ke tla ipatela eena.+ 13  Empa ke uena, motho ea shoang ea neng a le joaloka ea lekanang le ’na,+Eo ke mo tloaetseng le motsoalle oa ka,+ 14  Kahobane re ne re thabela kamano e haufi-ufi e thabisang hammoho;+Re ne re tsamaea le letšoele ho kena ka tlung ea Molimo.+ 15  Tšenyeho e be holim’a bona!+Ba ke ba theohele Sheole ba phela;+Etsoe nakong ea ho lula ha bona ka bojaki lintho tse mpe li ’nile tsa e-ba ka hare ho bona.+ 16  Ha e le ’na, ke tla hoeletsa ho Molimo;+Jehova o tla mpholosa.+ 17  Mantsiboea le hoseng le motšehare ke bontša ho tšoenyeha feela le ho lla,+O utloa lentsoe la ka.+ 18  Ka sebele o tla lopolla le ho beha moea oa ka khotsong ntoeng e khahlanong le ’na,+Kaha ba mphutuhetse ka matšoele.+ 19  Molimo o tla utloa ’me a ba arabe,+Eena ea lutseng teroneng joaloka nakong e fetileng+SelahBao ho bona ho se nang liphetoho+Le ba sa kang ba tšaba Molimo.+ 20  O otlolotse matsoho a hae khahlanong le ba lutseng ka khotso le eena;+O silafalitse selekane sa hae.+ 21  Mantsoe a molomo oa hae a boreleli ho feta sereleli,+Empa pelo ea hae e sekametse ntoeng.+Mantsoe a hae a bonolo ho feta oli,+Empa ke lisabole tse tsomutsoeng.+ 22  Lahlela moroalo oa hao ho Jehova,+O tla u tšehetsa.+Le ka mohla a ke ke a lumella ea lokileng hore a therekele.+ 23  Empa uena, Molimo, u tla ba theolela sekoting se tlaase-tlaase.+Ha e le batho ba nang le molato oa mali le ba thetsang, ba ke ke ba phela halofo ea matsatsi a bona.+Empa ha e le ’na, ke tla u tšepa.+

Mengolo e Botlaaseng ba Leqephe