Lipesaleme 52:1-9

Ho motsamaisi. Maskile. Ea Davida, ha Doege Moedomo a tla ’me a bua le Saule ’me a mo bolella hore Davida o ne a tlile ntlong ea Akimeleke.+ 52  Ke hobane’ng ha u ithorisa ka se sebe, Uena ea matla?+Mosa o lerato oa Molimo o teng letsatsi lohle.+   Leleme la hao le rera litsietsi, le leolitsoe joaloka lehare,+Le sebetsa ka thetso.+   U ratile se sebe ho feta se molemo,+Leshano ho feta ho bua ho loka.+ Selah.   U ratile mantsoe ’ohle a senyang,+Uena leleme le thetsang.+   Molimo le eena o tla u heletsa ka ho sa feleng;+O tla u tabanya fatše ’me a u tlose tenteng ea hao,+Ka sebele o tla u ntša ka metso naheng ea ba phelang.+ Selah.   Ba lokileng ba tla bona hoo ’me ba tla tšoha,+Ba tla mo tšeha.+   Ke enoa monna ea shahlileng ea sa etseng Molimo qhobosheane ea hae,+Empa a tšepa maruo a hae a mangata,+Ea itšireletsang litsietsing tse bakoang ke eena.+   Empa ke tla ba joaloka sefate sa mohloaare se behang haholo+ ka tlung ea Molimo;Ke tšepa mosa o lerato oa Molimo ho isa nakong e sa lekanyetsoang, esita le ka ho sa feleng.+   Ke tla u roka ho isa nakong e sa lekanyetsoang, kaha u nkile bohato;+Ke tla tšepa lebitso la hao, hobane le molemo, ka pel’a ba tšepahalang ba hao.+

Mengolo e Botlaaseng ba Leqephe