Lipesaleme 50:1-23

Pina ea thoriso ea Asafe.+ 50  Ea Nang le Bomolimo,+ Molimo, Jehova,+ o buile,+O bitsa lefatše,+Ho tloha ha letsatsi le chaba ho fihlela ha le likela.+   A le Sione, e phethahetseng ka botle,+ Molimo o bonahalitse khanya.+   Molimo oa rōna o tla tla ’me ho ke ke ha khoneha hore a khutse.+Ka pel’a hae mollo oa timetsa,+Ho mo pota-pota ka hohle ho bile le boemo ba leholimo ba sefefo se fetisisang.+   O bitsa maholimo a holimo le lefatše+E le hore a ka phethahatsa kahlolo ho batho ba hae:+   “Bokellang ho ’na ba tšepahalang ba ka,+Ba hlabang selekane sa ka ka sehlabelo.”+   Maholimo a bolela ho loka ha hae,+Etsoe Molimo ke Moahloli.+ Selah.   “Le mamele, Lōna sechaba sa ka, ’me ke tla bua,+Lōna Baiseraele, ’me ke tla paka khahlanong le lōna.+Ke ’na Molimo, Molimo oa lōna.+   Ha ke le khalemelle mahlabelo a lōna,+Kapa linyehelo tsa lōna tse feletseng tsa secheso tse ka pel’a ka kamehla.+   Nke ke ka nka poho ntlong ea lōna,+Le liphooko masakeng a lōna. 10  Etsoe phoofolo e ’ngoe le e ’ngoe e hlaha ea moru ke ea ka,+Liphoofolo tse holim’a lithaba tse sekete.+ 11  Ke tseba hantle sebōpuoa se seng le se seng se nang le mapheo sa lithaba,+Le mehlape ea liphoofolo tsa naha e sabaletseng e na le ’na.+ 12  Haeba ke ne ke lapile, ke ne nke ke ka le bolella;Etsoe naha e behang+ le botlalo ba eona ke tsa ka.+ 13  Na ke tla ja nama ea lipoho tse matla,+Na ke tla noa mali a liphooko?+ 14  Fanang ka liteboho e le sehlabelo sa lōna ho Molimo,+Le phethe boitlamo ba lōna ho Ea Phahameng ka ho Fetisisa;+ 15  Le mpitse letsatsing la mahlomola.+Ke tla le pholosa, ’me le tla ntlotlisa.”+ 16  Empa Molimo o tla lokela ho re ho ea khopo:+“U na le tokelo efe ea ho lokolisa melao ea ka ea tsamaiso,+Le hore u ka beha selekane sa ka molomong oa hao?+ 17  Le hona, uena—u hloile taeo,+U ntse u lahlela mantsoe a ka ka mor’a hao.+ 18  Neng kapa neng ha u bona lesholu, u ne u bile u khahloa ke lona;+U ne u arolelana le bafebi.+ 19  Molomo oa hao u o lokolletse se sebe,+Leleme la hao u le boloka le khomaretse thetso.+ 20  Ua lula ’me u bua khahlanong le mor’eno,+U hlahatsa molato khahlanong le mora oa ’m’ao.+ 21  U entse lintho tsena, ’me ka ’na ka khutsa.+U ile ua nahana hore ka sebele ke tla ba joaloka uena.+Ke tlil’o u khalemela,+ ’me ke tla lokisa lintho ka pel’a mahlo a hao.+ 22  Ka kōpo, utloisisang sena, lōna ba lebalang Molimo,+E le hore ke se ke ka le rusolla ho se molopolli leha e le ofe.+ 23  Ea fanang ka liteboho e le sehlabelo sa hae ke eena ea ntlotlisang;+Ha e le ea ipolokang tseleng e behiloeng,Ke tla etsa hore a bone poloko ea Molimo.”+

Mengolo e Botlaaseng ba Leqephe