Lipesaleme 46:1-11

Ho motsamaisi. Ea bara ba Kora+ malebana le Baroetsana. Pina. 46  Molimo ke setšabelo le matla a rōna,+Thuso e fumanoang hang-hang nakong ea mahlomola.+   Ke ka lebaka leo re ke keng ra tšaba, le hoja lefatše le fetoha+Le hoja lithaba li sisinyeha ho kena ka har’a leoatle le leholo;+   Le hoja metsi a lona a loebehlana, a etsa makoeba,+Le hoja lithaba li reketla ha le e-ba moferefere.+ Selah.   Ho na le nōka eo melapo ea eona e thabisang motse oa Molimo,+Tabernakele e khōlō e halalelang ka ho fetisisa ea Ea Phahameng ka ho Fetisisa.+   Molimo o ka har’a motse;+ o ke ke oa sisinngoa.+Molimo o tla o thusa ha e e-ba hoseng.+   Lichaba li ile tsa e-ba morusu,+ mebuso ea sisinyeha;O ile a ntša molumo ka lentsoe la hae, lefatše la qala ho qhibiliha.+   Jehova oa mabotho o na le rōna;+Molimo oa Jakobo ke sebaka se phahameng sa tšireletso bakeng sa rōna.+ Selah.   Tloong, le bone mesebetsi ea Jehova,+Kamoo a entseng liketsahalo tse makatsang lefatšeng.+   O felisa lintoa ho isa pheletsong ea lefatše.+O roba seqha ’me o robakanya lerumo;+O chesa likoloi mollong.+ 10  “Ineheleng, ’me le tsebe hore ke ’na Molimo.+Ke tla phahamisoa har’a lichaba,+Ke tla phahamisoa lefatšeng.”+ 11  Jehova oa mabotho o na le rōna;+Molimo oa Jakobo ke sebaka se phahameng sa tšireletso bakeng sa rōna.+ Selah.

Mengolo e Botlaaseng ba Leqephe