Lipesaleme 44:1-26

Ho motsamaisi. Ea bara ba Kora.+ Maskile. 44  Molimo, re utloile ka litsebe tsa rōna,Baholo-holo ba rōna ba re phetetse+Mosebetsi oo u ileng ua o etsa matsatsing a bona,+Matsatsing a khale.+   U ile ua leleka lichaba ka letsoho la hao,+Ho e-na le tsona ua hloma bona.+Ua felisa lihlopha tsa lichaba le ho li leleka.+   Etsoe ha baa ka ba rua naha ka lisabole tsa bona,+Matsoho a bona hase ’ona a ileng a ba tlisetsa poloko.+Etsoe ke letsoho la hao le letona le seatla+ sa hao le leseli la sefahleho sa hao,Kahobane u ile ua khahlisoa ke bona.+   U Morena oa ka, Molimo.+Laela poloko e khōlō bakeng sa Jakobo.+   Ka uena re tla sututsa bahanyetsi ba rōna;+Ka lebitso la hao re tla hatakela ba re tsohelang matla.+   Etsoe ha kea ka ka lula ke tšepile seqha sa ka+Hase sabole ea ka e neng e mpholosa.+   Etsoe u ile ua re pholosa ho bahanyetsi ba rōna,+Ba re hloileng haholo ua ba hlabisa lihlong.+   Re tla fana ka thoriso ho Molimo letsatsi lohle,+Re tla roka lebitso la hao ho isa nakong e sa lekanyetsoang.+ Selah.   Empa joale u re lahlile ’me u ntse u re kokobetsa,+Ha u tsamaee le mabotho a rōna.+ 10  U ntse u etsa hore re balehe mohanyetsi,+Ba re hloileng haholo ba inketse thepa ka mahahapa.+ 11  U fana ka rōna joaloka linku, joaloka se jeoang,+U re hasantse har’a lichaba.+ 12  U rekisa batho ba hao ntle ho tefello ea letho,+Ha ua fumana leruo ka theko ea bona. 13  U re beha joaloka nyeliso ho baahelani ba rōna,+Litšeho le sesomo ho ba re pota-potileng ka hohle.+ 14  U re beha joaloka polelo ea maele har’a lichaba,+Joaloka ntho e sisinyetsoang hlooho har’a lihlopha tsa lichaba.+ 15  Letsatsi lohle ho kokobetsoa ha ka ho ka pel’a ka,Lihlong tsa sefahleho sa ka li nkoahetse,+ 16  Ka lebaka la lentsoe la ea nyelisang le ea nyefolang,Ka lebaka la sera le ea iphetetsang.+ 17  Sena sohle ke se re oetseng holimo, ’me ha rea u lebala,+Ha rea etsa ka bolotsana selekaneng sa hao.+ 18  Lipelo tsa rōna ha lia reteleha ka ho hloka tumelo,+Leha e le hore mehato ea rōna e kheloha tseleng ea hao.+ 19  Etsoe u re hateletse sebakeng sa liphokojoe,+U re koahela ka moriti o lefifi.+ 20  Haeba re lebetse lebitso la Molimo oa rōna,Kapa re otlolletse liatla tsa rōna ho molimo osele,+ 21  Na Molimo a ke ke a batlisisa see?+Etsoe o hlokomela liphiri tsa pelo.+ 22  Empa ka lebaka la hao re bolailoe letsatsi lohle;Re lekantsoe re le linku tsa ho hlajoa.+ 23  Tsoha. Ke hobane’ng ha u ntse u robetse, Jehova?+Falimeha. U se ke ua tsoela pele u re lahla ka ho sa feleng.+ 24  Ke hobane’ng ha u boloka sefahleho sa hao se patehile?Ke hobane’ng ha u lebala mahloreho a rōna le khatello ea rōna?+ 25  Etsoe meea ea rōna e inametse lerōleng;+Limpa tsa rōna li khomaretse mobu. 26  Tsoha u re thuse+U re lopolle ka lebaka la mosa oa hao o lerato.+

Mengolo e Botlaaseng ba Leqephe