Lipesaleme 38:1-22

Pina ea thoriso ea Davida, bakeng sa khopotso. 38  Jehova, u se ke ua nkhalemela bohaleng ba hao,+Kapa ua nkhalemela khalefong ea hao.+   Etsoe metsu ea hao e ntlhabile ka ho tebileng,+Letsoho la hao le theohetse holim’a ka.+   Ha ho karolo e phelang hantle nameng ea ka ka lebaka la nyatso ea hao.+Ha ho khotso masapong a ka ka lebaka la sebe sa ka.+   Etsoe liphoso tsa ka li fetile holim’a hlooho ea ka;+Joaloka mojaro o boima li nkimetse haholo.+   Maqeba a ka a nkha hampe, a petlile,Ka lebaka la booatla ba ka.+   Ke ferekane, ke iname ho isa tekanyong e fetisisang;+Letsatsi lohle ke tsamaile ke hlomohile.+   Etsoe letheka la ka le chesa haholo,Ha ho karolo e phelang hantle nameng ea ka.+   Ke feletsoe ke matla ’me ke sithabetse ho isa tekanyong e fetisisang;Ke lumaetse ka lebaka la ho bobola ha pelo ea ka.+   Jehova, takatso eohle ea ka e ka pel’a hao,Ho feheloa ha ka ha hoa pateha ho uena.+ 10  Pelo ea ka e otlile ka matla, matla a ka a tlohile ho ’na,Leseli la mahlo a ka le lona ha le eo ho ’na.+ 11  Ha e le ba nthatang le metsoalle ea ka, ba emella hōle le lefu la ka,+Batho bao ke ba tloaetseng haholo ba emeletse hōjana.+ 12  Empa ba batlang moea oa ka ba cheha lifi,+Ba mpakelang tlokotsi ba buile ka litsietsi,+Hape ba ntse ba honotha ka thetso letsatsi lohle.+ 13  Ha e le ’na, joaloka ea sa utloeng litsebeng, ke ne ke sa mamele;+Joaloka motho ea sa khoneng ho bua, ke ne ke sa ahlamise molomo.+ 14  Ke ile ka ba joaloka motho ea neng a sa utloe,Molomong oa ka ho ne ho se na likhanyetso. 15  Etsoe ke ile ka u letela, Jehova;+U ile ua araba, Jehova Molimo oa ka.+ 16  Etsoe ke ile ka re: “Ho seng joalo ba ne ba tla thaba ka lebaka la ka;+Ha leoto la ka le therekela,+ ka sebele ba ne ba tla ikhohomosetsa ’na.”+ 17  Etsoe ke ne ke itokiselitse ho hlotsa,+Bohloko ba ka bo ne bo le ka pel’a ka kamehla.+ 18  Etsoe ke ile ka bolela phoso ea ka;+Ka qala ho tšoenyeha ka lebaka la sebe sa ka.+ 19  Lira tsa ka tse phelang li ile tsa e-ba matla,+Ba ntlhoileng ntle ho lebaka ba ngatafala.+ 20  Ba ne ba mputsa ka bobe bakeng sa botle;+Ba ’na ba nkhanyetsa e le puseletso bakeng sa ho phehella ha ka se molemo.+ 21  U se ke ua ntlohela, Jehova.Molimo oa ka, u se ke ua emella hōle le ’na.+ 22  U potlakele ho nthusa,+Jehova poloko ea ka.+

Mengolo e Botlaaseng ba Leqephe