Lipesaleme 36:1-12

Ho motsamaisi. Ea mohlanka oa Jehova, Davida. 36  Ho bolela tlōlo ho ea khopo ho ka pelong ea hae;+Ho tšaba Molimo ha ho eo ka pel’a mahlo a hae.+   Etsoe o itšoere ka mokhoa o qhekellang haholo mahlong a hae+Hoo a sa fumaneng phoso ea hae e le hore a e hloee.+   Mantsoe a molomo oa hae ke bobe le thetso;+O tlohetse ho ba le temohisiso ea ho etsa se molemo.+   O ntse a rera se kotsi holim’a bethe ea hae.+O ema tseleng e seng ntle.+Ha a lahle se sebe.+   Jehova, mosa oa hao o lerato o maholimong;+Botšepehi ba hao bo fihla marung.+   Ho loka ha hao ho joaloka lithaba tsa Molimo;+Qeto ea hao ea boahloli ke boliba bo boholo.+Jehova, u pholosa motho le phoofolo.+   Mosa oa hao o lerato ke oa bohlokoa hakaakang, Molimo!+Bara ba batho ba tšabela moriting oa mapheo a hao.+   Ba noa hore ba be ba kholoe mononong oa ntlo ea hao;+U etsa hore ba noe molapong o phoroselang oa monyaka oa hao.+   Etsoe mohloli oa bophelo o ho uena;+Ka leseli le tsoang ho uena re ka bona leseli.+ 10  Ntšetsa pele mosa oa hao o lerato ho ba u tsebang,+Le ho loka ha hao ho ba lipelo li lokileng.+ 11  E se eka leoto la boikhohomoso le ke ke la tla khahlanong le ’na;+Ha e le matsoho a batho ba khopo, a se ke a nketsa moleleri.+ 12  Ba tloaetseng ho etsa se kotsi ba oetse teng;+Ba sutumelelitsoe fatše ’me ha baa khona ho ema.+

Mengolo e Botlaaseng ba Leqephe