Lipesaleme 34:1-22

Ea Davida, nakong ea ha a ikhakanya hore eke ha aa hlaphoheloa kelellong+ ka pel’a Abimeleke, hoo a ileng a mo leleka, eaba oa tsamaea. א [ʼAleph] 34  Ke tla boka Jehova ka linako tsohle;+Thoriso ea hae e tla ba molomong oa ka kamehla.+ ב [Behth]   Moea oa ka o tla ithorisa ka Jehova;+Ba bonolo ba tla utloa ’me ba tla thaba.+ ג [Gimel]   Tlotlisang Jehova hammoho le ’na,+A re phahamiseng lebitso la hae hammoho.+ ד [Daleth]   Ke ile ka botsa Jehova, eaba oa nkaraba,+A ntopolla linthong tsohle tseo ke li tšabang.+ ה [Heʼ]   Ba ile ba mo talima ’me ba tlala thabo,+Lifahleho tsa bona li ne li ke ke tsa hlajoa ke lihlong.+ ז [Zayin]   Enoa ea hlorileng o ile a hooa, ’me Jehova a utloa.+A mo pholosa mahlomoleng ’ohle a hae.+ ח [Chehth]   Lengeloi la Jehova le hlomme liahelo ho pota-pota ba mo tšabang,+Lea ba pholosa.+ ט [Tehth]   Latsoang ’me le bone hore Jehova o molemo;+Ho thaba monna ea shahlileng ea tšabelang ho eena.+ י [Yohdh]   Tšabang Jehova, lōna bahalaleli ba hae,+Etsoe ba mo tšabang ha ba haelloe ke letho.+ כ [Kaph] 10  Litaoana tse moetse li fumane ho honyenyane ’me li lapile;+Empa ha e le ba batlang Jehova, ba ke ke ba haelloa ke letho le molemo.+ ל [Lamedh] 11  Tloong, lōna bara, le ’mamele;+Ke tla le ruta ho tšaba Jehova.+ מ [Mem] 12  Ke mang ea thabelang bophelo,+Ea ratang matsatsi a lekaneng hore a bone se molemo?+ נ [Nun] 13  Sireletsang maleme a lōna ho se sebe,+Le melomo ea lōna le e sireletse ho bueng thetso.+ ס [Samekh] 14  Furallang se sebe, ’me le etse se molemo;+Batlang ho fumana khotso, ’me le e phehelle.+ ע [ʽAyin] 15  Mahlo a Jehova a talimile ba lokileng,+O sekehela mohoo oa bona o kōpang thuso tsebe.+ פ [Peʼ] 16  Sefahleho sa Jehova se khahlanong le ba etsang se sebe,+Ho felisa ho boleloa ha bona lefatšeng.+ צ [Tsadheh] 17  Ba ile ba hoeletsa, ’me Jehova a utloa,+A ba lopolla mahlomoleng ’ohle a bona.+ ק [Qohph] 18  Jehova o haufi le ba lipelo li robehileng;+O pholosa ba sithabetseng moeeng.+ ר [Rehsh] 19  Litlokotsi tsa ea lokileng li ngata,+Empa Jehova o mo lopolla ho tsona kaofela.+ ש [Shin] 20  O lebela masapo ’ohle a hae;Ha ho le le leng la ’ona le robehileng.+ ת [Taw] 21  Tlokotsi e tla bolaea ea khopo;+Ba hloileng ea lokileng ba tla nkoa ba le molato.+ 22  Jehova o lopolla meea ea bahlanka ba hae;+Ha ho le ea mong oa ba tšabelang ho eena ea tla nkoa a le molato.+

Mengolo e Botlaaseng ba Leqephe