Lipesaleme 33:1-22

33  Hoeletsang ka thabo, Lōna ba lokileng, ka lebaka la Jehova.+Thoriso e loketse ho ba lokileng.+   Lebohang Jehova ka harepa;+Mo bineleng lipina tsa thoriso ka seletsa sa likhoele tse leshome.+   Mo bineleng pina e ncha;+Etsang se molemo ka ho fetisisa ha le letsa liletsa tse likhoele ka mohoo oa thabo.+   Etsoe lentsoe la Jehova le lokile,+Mosebetsi oohle oa hae o na le botšepehi.+   O rata ho loka le toka.+Lefatše le tletse mosa o lerato oa Jehova.+   Maholimo a ile a etsoa ka lentsoe la Jehova,+Makhotla ’ohle a ’ona a etsoa ka moea oa molomo oa hae.+   O bokella metsi a leoatle+ joaloka letamo,O beha metsi a bilohang matlong a polokelo.   Bohle ba lefatše ba ke ba tšabe Jehova.+Baahi bohle ba naha e behang ba tšohe ka lebaka la hae.+   Etsoe o buile, ’me ha e-ba joalo;+O laetse, ’me ha hlaha.+ 10  Jehova o sentse morero oa lichaba;+O nyopisitse menahano ea batho.+ 11  Morero oa Jehova o tla ema ho isa nakong e sa lekanyetsoang;+Menahano ea pelo ea hae e teng ho isa molokong o mong ka mor’a o mong.+ 12  Ho thaba sechaba seo Molimo oa sona e leng Jehova,+Batho bao a ba khethileng e le lefa la hae.+ 13  Jehova o talimile a le maholimong,+O bone bara bohle ba batho.+ 14  A le sebakeng se tiisitsoeng seo a lulang ho sona+O talimile bohle ba lulang lefatšeng. 15  O etsa lipelo tsa bona kaofela hammoho;+O nahana ka mesebetsi eohle ea bona.+ 16  Ha ho morena ea pholosoang ke bongata ba mabotho a sesole;+Motho ea matla ha a lopolloe ke matla a maholo.+ 17  Pere ke thetso bakeng sa poloko,+Ka boholo ba mafolofolo a eona ha e pholose.+ 18  Bonang! Leihlo la Jehova le ho ba mo tšabang,+Ho ba letetseng mosa oa hae o lerato,+ 19  Hore a lopolle meea ea bona lefung,+Le ho ba boloka ba phela tlaleng.+ 20  Meea ea rōna e ’nile ea lebella Jehova.+Ke eena mothusi oa rōna le thebe ea rōna.+ 21  Etsoe lipelo tsa rōna li ithabela ho eena;+Kaha re tšepile lebitso la hae le halalelang.+ 22  Jehova, mosa oa hao o lerato o be holim’a rōna,+Esita le joalokaha re ’nile ra u letela.+

Mengolo e Botlaaseng ba Leqephe