Lipesaleme 32:1-11

Ea Davida. Maskile. 32  Ho thaba eo bofetoheli ba hae bo tšoaretsoeng, eo sebe sa hae se koahetsoeng.+   Ho thaba motho eo Jehova a sa kenyeng phoso tlalehong ea hae,+Le eo moeeng oa hae ho se nang thetso.+   Ha ke ne ke khutsitse masapo a ka a ile a khathala ka lebaka la ho bobola ha ka letsatsi lohle.+   Etsoe bosiu le motšehare letsoho la hao le ne le le boima holim’a ka.+Mongobo oa bophelo ba ka o fetotsoe joaloka mochesong o bataolang oa lehlabula.+ Selah.   Qetellong ka bolela sebe sa ka ho uena, ’me phoso ea ka ha kea ka ka e koahela.+Ke ile ka re: “Ke tla ipolela ho Jehova ka lebaka la litlōlo tsa ka.”+Ua tšoarela phoso ea libe tsa ka.+ Selah.   Ka lebaka lena e mong le e mong ea tšepahalang o tla u rapela+Ka nako eo u ka fumanoang+ ka eona feela.Ha e le moroallo oa metsi a mangata, o ke ke oa mo ama.+   U sebaka seo ke ipatang ho sona; u tla ntšireletsa mahlomoleng.+U tla mpota-pota ka mehoo ea thabo ea ho pholosa.+ Selah.   “Ke tla etsa hore u be le temohisiso ’me ke u rupele ka tsela eo u lokelang ho tsamaea ka eona.+Ke tla u fa keletso leihlo la ka le le holim’a hao.+   Le se ke la iketsa ba joaloka pere kapa ’moulo o se nang kutloisiso,+Oo morōlō oa oona o lokelang ho thijoa ka tōmo kapa lehaletere+Pele o ka atamela ho lōna.”+ 10  Ea khopo o na le mahlaba a mangata;+Empa ha e le ea tšepang Jehova, mosa o lerato oa mo lika-liketsa.+ 11  Ithabeleng ho Jehova ’me le nyakalle, lōna ba lokileng;+Hoeletsang ka thabo, lōna bohle ba lipelo li lokileng.+

Mengolo e Botlaaseng ba Leqephe