Lipesaleme 29:1-11
Pina ea thoriso ea Davida.
29 Isang ho Jehova, Lōna bara ba ba matla,Isang khanya le matla ho Jehova.+
2 Isang ho Jehova khanya ea lebitso la hae.+Inamelang Jehova ka mokhabo o halalelang.+
3 Lentsoe la Jehova le holim’a metsi;+Molimo ea khanyang+ o lumme.+Jehova o holim’a metsi a mangata.+
4 Lentsoe la Jehova le matla;+Lentsoe la Jehova le letle haholo.+
5 Lentsoe la Jehova le roba likedare;E, Jehova o roba likedare tsa Lebanone likoto,+
6 O etsa hore li thale joaloka namane,+Lebanone le Sirione+ joaloka manamane a matona a lipoho tse hlaha.
7 Lentsoe la Jehova le phunyeletsa ka malakabe a mollo;+
8 Lentsoe la Jehova le solopanya lefeella,+Jehova o solopanya lefeella la Kadeshe.+
9 Lentsoe la Jehova le etsa hore likhama tse tšehali li meneke ke bohloko ba ho tsoala+Le hlobolisa meru hore e sale e sa koaheloa ke letho.+Ka tempeleng ea hae e mong le e mong o re: “Khanya!”+
10 Jehova o lutse holim’a moroallo;+Jehova o lula e le morena ho isa nakong e sa lekanyetsoang.+
11 Ka sebele Jehova o tla fa batho ba hae matla.+Jehova o tla hlohonolofatsa batho ba hae ka khotso.+
