Lipesaleme 22:1-31

Ho motsamaisi oa Khama e Tšehali ea Mafube. Pina ea thoriso ea Davida. 22  Molimo oa ka, Molimo oa ka, u ntloheletse’ng?+Ke hobane’ng ha u le hōle le ho mpholosa,+U le hōle le mantsoe a ho lumaela ha ka?+   Molimo oa ka, ke ntse ke hooa motšehare, ’me ha u arabe;+Le bosiu, ’me ha ho khutso ho ’na.+   Empa ua halalela,+U ahile lithorisong tsa Iseraele.+   Bo-ntat’a rōna ba ile ba u tšepa;+Ba ile ba tšepa, ’me ua ’na ua ba pholosa.+   Ba ile ba hoeletsa ho uena,+ eaba baa pholoha;+Ba ile ba u tšepa, ’me ha baa ka ba hlajoa ke lihlong.+   Empa ’na ke sebōkō,+ ha ke motho,Ke nyeliso ho batho le ea eisehang sechabeng.+   Ha e le bohle ba mponang, ba mphetola litšeho;+Ba ntse ba ahlamisa melomo, ba ntse ba sisinya lihlooho:+   “O ipehile ho Jehova.+ A ke A mo pholose!+A ke a mo lopolle, kaha o khahliloe ke eena!”+   Etsoe ke Uena ea neng a nkhula ka mpeng,+Ea neng a etsa hore ke be le tšepo ha ke ntse ke le matsoeleng a ’Mè.+ 10  Ke lahletsoe ho uena ho tsoa ka pōpelong;+U bile Molimo oa ka ke sa le ka mpeng ea ’Mè.+ 11  U se ke ua ba hōle le ’na, hobane mahlomola a haufi,+Hobane ha ho mothusi e mong.+ 12  Lipohoana tse ngata li mpota-potile;+Ba matla ba Bashane ba nteetse hare.+ 13  Ba ahlamisitse melomo ea bona khahlanong le ’na,+Joaloka tau e rusollang le e purumang.+ 14  Ke tšolotsoe joaloka metsi,+Masapo ’ohle a ka a arohantsoe.+Pelo ea ka e joaloka boka ba linotši;+E qhibilihetse tlaase lithong tsa ka tse ka hare.+ 15  Matla a ka a omeletse feela joaloka lengeta,+Le leleme la ka le khomaretsoa mareneneng a ka;+U mpeha lerōleng la lefu.+ 16  Etsoe lintja li mpota-potile;+Phutheho ea baetsi ba bobe e nteetse hare.+Ba matsohong a ka le maotong a ka joaloka tau.+ 17  Nka bala masapo a ka kaofela.+Baa talima, baa ntalima.+ 18  Ba arolelana liaparo tsa ka,+Ba lahla lotho bakeng liaparo tsa ka.+ 19  Empa Jehova, u se ke ua ba hōle.+Uena matla a ka,+ u potlakele ho nthusa.+ 20  U lopolle moea oa ka saboleng,+Oona feela oa ka ho tsoa marōng a ntja;+ 21  Mpholose molomong oa tau,+U arabe ’me u mpholose linakeng tsa lipoho tse hlaha.+ 22  Ke tla bolela lebitso la hao+ ho barab’eso;+Ke tla u rorisa har’a phutheho.+ 23  Lōna ba tšabang Jehova, mo roriseng!+Lōna bohle peō ea Jakobo, mo tlotliseng!+Le mo tšabe, lōna bohle peō ea Iseraele.+ 24  Etsoe ha aa nyelisa+Kapa a nyonya mahloreho a ea hlorileng;+Ha aa mo patela sefahleho sa hae,+O ile a utloa ha a hoeletsa ho kōpa thuso ho eena.+ 25  Ho tsoa ho uena thoriso ea ka e tla ba phuthehong e khōlō;+Ke tla phetha boitlamo ba ka ka pel’a ba u tšabang.+ 26  Ba bonolo ba tla ja ’me ba khore;+Ba mo batlang ba tla rorisa Jehova.+E se eka lipelo tsa lōna li ka phela ka ho sa feleng.+ 27  Lipheletso tsohle tsa lefatše li tla hopola ’me li khutlele ho Jehova.+Malapa ’ohle a lichaba a tla inama ka pel’a hao.+ 28  Etsoe borena ke ba Jehova,+O laola lichaba.+ 29  Bohle ba nonneng ba lefatše ba tla ja ’me ba tla inama;+Bohle ba theohelang lerōleng ba tla khumama ka pel’a hae,+Ha ho eo le ka mohla a tlang ho boloka moea oa hae o phela.+ 30  Peō e tla mo sebeletsa;+Ho tla bolelloa moloko ka Jehova.+ 31  Ba tla tla ’me ba bolele ho loka ha hae+Ho batho ba tlang ho tsoaloa, hore o entse sena.+

Mengolo e Botlaaseng ba Leqephe