Lipesaleme 18:1-50

Ho motsamaisi. Ea mohlanka oa Jehova, ea Davida, ea ileng a bua le Jehova mantsoe a pina ena letsatsing leo ka lona Jehova a neng a mo lopolotse liatleng tsa lira tsohle tsa hae le letsohong la Saule.+ Eaba o re: 18  Ke tla ba le boikutlo bo mofuthu bakeng sa hao, Jehova matla a ka.+   Jehova ke lefika la ka le qhobosheane ea ka le Mopholosi oa ka.+Molimo oa ka ke lefika la ka. Ke tla tšabela ho eena,+Ke thebe ea ka le lenaka la ka la poloko, sebaka sa ka se phahameng sa tšireletso.+   Ke tla ipiletsa ho Ea lokelang ho rorisoa, Jehova,+Ke tla pholosoa lireng tsa ka.+   Liropo tsa lefu li ile tsa mpota-pota;+Meroallo e phoroselang ea batho ba se nang molemo le eona ea ’na ea ntšosa.+   Liropo tsa Sheole li ile tsa mpota-pota;+Maraba a lefu a ntoba.+   Mahlomoleng a ka ka ’na ka ipiletsa ho Jehova,Ka ’na ka hoeletsa ho kōpa thuso ho Molimo oa ka.+A utloa lentsoe la ka a le tempeleng ea hae,+Joale mohoo oa ka o kōpang thuso ka pel’a hae oa fihla litsebeng tsa hae.+   Lefatše la qala ho sisinyeha ’me la reketla,+Metheo ea lithaba ea tsukutleha,+Ea ’na ea hlokoleha kahobane o ne a halefisitsoe.+   Mosi oa tsoa linkong tsa hae, ’me mollo o tsoang molomong oa hae oa ’na oa chesa;+Mashala a ne a tuka ho tsoa ho eena.   A koba maholimo ’me a theoha.+Botšo bo boholo bo ne bo le ka tlas’a maoto a hae. 10  A tla a kaletse kerubime ’me a tla a fofa,+A tla a potlakile a le holim’a mapheo a moea.+ 11  Joale a etsa lefifi sebaka seo a ipatang ho sona,+Le mo pota-potile ka hohle joaloka lephephe la hae,Metsi a lefifi, maru a teteaneng.+ 12  Khanyeng e ka pel’a hae ho ne ho e-na le maru a hae a fetang,+Sefako le mashala a tukang a mollo.+ 13  Jehova a qala ho luma a le maholimong,+Ea Phahameng ka ho Fetisisa a qala ho ntša lentsoe la hae,+Sefako le mashala a tukang a mollo. 14  A ’na a romela metsu ea hae, e le hore a ka ba hasanya;+A ntša mahalima, e le hore a ka ba ferekanya.+ 15  Likotopo tsa metsi tsa bonahala,+Le metheo ea naha e behang ea apoha+Ka lebaka la khalemelo ea hao e matla, Jehova, ka lebaka la pululo ea phefumoloho ea linko tsa hao.+ 16  O ne a romeletsa a le holimo, o ne a nkuka,+O ne a nkhula metsing a mangata.+ 17  O ne a ntopolla ho sera sa ka se matla,+Le ho ba ntlhoileng; hobane ba ne ba le matla ho mpheta.+ 18  Ba ’na ba ntoantša letsatsing la koluoa ea ka,+Empa Jehova a ba joaloka setšehetso sa ka.+ 19  A ntlisa ka ntle sebakeng se seholo;+O ne a mpholosa, hobane o ne a khahliloe ke ’na.+ 20  Jehova o mputsa ho ea ka ho loka ha ka;+O mpuseletsa ho ea ka ho hloeka ha matsoho a ka.+ 21  Etsoe ke bolokile litsela tsa Jehova,+Ha kea tloha ho Molimo oa ka ka bokhopo.+ 22  Etsoe liqeto tsohle tsa hae tsa boahloli li ka pel’a ka,+Nke ke ka tlosa litaelo tsa hae tse hlomamisitsoeng ho ’na.+ 23  Ke tla ba ea se nang molato ho eena,+Ke tla phema ho etsa phoso.+ 24  Jehova a ke a mpuseletse ho ea ka ho loka ha ka,+Ho ea ka ho hloeka ha matsoho a ka ka pel’a mahlo a hae.+ 25  Ho ea tšepahalang u tla etsa ka botšepehi;+Ho ea se nang molato, ea shahlileng, u tla sebetsa ka mokhoa o se nang molato;+ 26  Ho ea ipolokang a hloekile u tla iponahatsa u hloekile;+Ho ea khopameng u tla iponahatsa u le mano;+ 27  Hobane u tla pholosa batho ba hlorileng;+Empa u tla kokobetsa mahlo a ikhohomosang.+ 28  Etsoe u tla khantša lebone la ka, Jehova;+Molimo oa ka o tla khantša lefifi la ka.+ 29  Etsoe ka uena nka matha khahlanong le sehlopha sa bafutuhi;+Ka Molimo oa ka nka hloa lerako.+ 30  Ha e le Molimo oa ’nete, tsela ea hae e phethahetse;+Polelo ea Jehova e hloekile.+Ke thebe ho bohle ba tšabelang ho eena.+ 31  Etsoe Molimo ke mang ntle ho Jehova?+Lefika ke mang haese Molimo oa rōna?+ 32  Molimo oa ’nete ke Eena ea ntlamang haufi-ufi ka mafolofolo,+O tla etsa hore tsela ea ka e be e phethahetseng,+ 33  A etse hore maoto a ka a be joaloka a likhama tse tšehali,+O mpoloka ke eme libakeng tse mphahametseng.+ 34  O ruta matsoho a ka ntoa,+Matsoho a ka a hateletse seqha sa koporo.+ 35  U tla mpha thebe ea hao ea poloko,+Letsoho la hao le letona le tla ntšehetsa,+Boikokobetso ba hao bo tla etsa hore ke be moholo.+ 36  U tla fana ka sebaka se lekaneng bakeng sa mehato ea ka ka tlas’a ka,+Ka sebele maqaqailana a ka a ke ke a tetema.+ 37  Ke tla lelekisa lira tsa ka ’me ke li fihlele;Nke ke ka khutla ho fihlela li felisitsoe.+ 38  Ke tla li roba likoto hoo li ke keng tsa khona ho tsoha;+Li tla oela tlas’a maoto a ka.+ 39  U tla ntlama ka mafolofolo bakeng sa ntoa;U tla etsa hore ba ntsohelang matla ba oele ka tlas’a ka.+ 40  Ha e le lira tsa ka, ka sebele u tla mpha likotlo tsa tsona;+Ha e le ba ntlhoileng haholo, ke tla ba khutsisa.+ 41  Ba hoeletsa ho kōpa thuso, empa ha ho na mopholosi,+Ba hoeletsa ho Jehova, empa ha a ba arabe.+ 42  Ke tla ba tula hore ba thumisehe joaloka lerōle le fefoloang ke moea;+Ke tla ba tšolla joaloka seretse sa literateng.+ 43  U tla mpholosa ho batho ba tšoaeang liphoso.+U tla mpeha hore ke be hlooho ea lichaba.+Batho bao ke sa kang ka ba tseba—ba tla ntšebeletsa.+ 44  Ba tla ’mamela+ ka lebaka la monyenyetsi feela;Basele ba tla tla ba ikokobeletse ’na.+ 45  Basele ba tla nyamela,Ba tla tsoa ba thothomela marakong a bona a tšireletso.+ 46  Jehova oa phela,+ ho bokoe Lefika la ka,+Ho ke ho phahamisoe Molimo oa poloko ea ka.+ 47  Molimo oa ’nete ke Mofani oa liketso tsa phetetso ho ’na;+O kokobetsa lichaba ka tlas’a ka.+ 48  O mpholosa ho lira tsa ka tse halefileng;+U tla mphahamisetsa ka holim’a ba ntsohelang matla,+U tla ntopolla ho motho ea mabifi.+ 49  Ke ka lebaka leo ke tla u roka har’a lichaba, Jehova,+Ke tla binela lebitso la hao lipina tsa thoriso.+ 50  O etsetsa morena oa hae+ liketso tse khōlō tsa polokoO bontša mosa oa hae o lerato ho motlotsuoa oa hae,+Ho Davida le ho peō ea hae ho isa nakong e sa lekanyetsoang.+

Mengolo e Botlaaseng ba Leqephe