Lipesaleme 148:1-14
148 Rorisang Jah!+Rorisang Jehova ho tsoa maholimong,+Mo roriseng libakeng tse phahameng.+
2 Mo roriseng, lōna mangeloi ’ohle a hae.+Mo roriseng, lōna lebotho lohle la hae.+
3 Mo roriseng, lōna letsatsi le khoeli.+Mo roriseng, lōna linaleli tsohle tsa leseli.+
4 Mo roriseng, lōna maholimo a maholimo,+Le lōna metsi a leng ka holim’a maholimo.+
5 Li ke li rorise lebitso la Jehova;+Etsoe o ile a laela, ’me tsa bōptjoa.+
6 O li boloka li eme ka ho sa feleng, ho isa nakong e sa lekanyetsoang.+O fane ka molao oa tsamaiso, ’me o ke ke oa feta.+
7 Rorisang Jehova ho tsoa lefatšeng,+Lōna liphoofolo tsa litonanahali tsa leoatle le lōna maliba,+
8 Lōna mollo le sefako, lehloa le mosi o teteaneng,+Uena moea o matla oa sefefo, o phethang lentsoe la hae,+
9 Lōna lithaba le lōna maralla ’ohle,+Lōna lifate tsa litholoana le lōna likedare tsohle,+
10 Lōna liphoofolo tse hlaha le lōna liphoofolo tsohle tse ruuoang,+Lōna lihahabi le linonyana tse nang le mapheo,+
11 Lōna marena a lefatše+ le lōna lihlopha tsohle tsa lichaba,Lōna likhosana+ le lōna baahloli bohle ba lefatše,+
12 Lōna bahlankana+ le lōna baroetsana,+Lōna banna-baholo+ hammoho le bashanyana.+
13 Ba ke ba rorise lebitso la Jehova,+Etsoe lebitso la hae ke lona feela le phahameng ka tsela e ke keng ea fihleloa.+Ho hlompheha ha hae ho ka holim’a lefatše le leholimo.+
14 O tla phahamisa lenaka la batho ba hae,+Thoriso ea bohle ba tšepahalang ba hae,+Ea bara ba Iseraele, batho ba haufi le eena.+Rorisang Jah!+
