Lipesaleme 145:1-21

Thoriso, ea Davida. א [ʼAleph] 145  Ke tla u phahamisa, Morena Molimo oa ka,+Ke tla boka lebitso la hao ho isa nakong e sa lekanyetsoang, esita le ka ho sa feleng.+ ב [Behth]   Ke tla u boka letsatsi lohle,+Ke tla rorisa lebitso la hao ho isa nakong e sa lekanyetsoang, esita le ka ho sa feleng.+ ג [Gimel]   Jehova o moholo ’me o lokela ho rorisoa haholo,+Boholo ba hae bo ke ke ba batlisisoa.+ ד [Daleth]   Moloko o mong ka mor’a o mong o tla babatsa mesebetsi ea hao,+O tla bolela liketso tsa hao tse matla.+ ה [Heʼ]   Ke tla nahanisisa ka bokhabane bo khanyang ba ho hlompheha ha hao+Le litaba tsa mesebetsi ea hao e hlollang.+ ו [Waw]   Ba tla bua ka matla a lintho tsa hao tse tšabehang;+Ha e le boholo ba hao, ke tla bo bolela.+ ז [Zayin]   Ba tla bua ba sa khaotse ka molemo oa hao o mongata,+Ba tla hoeletsa ka thabo ka lebaka la ho loka ha hao.+ ח [Chehth]   Jehova o mosa ’me o mohau,+O lieha ho halefa ’me o na le mosa o lerato o moholo.+ ט [Tehth]   Jehova o molemo ho bohle,+Mehauhelo ea hae e holim’a mesebetsi eohle ea hae.+ י [Yohdh] 10  Mesebetsi eohle ea hao e tla u roka, Jehova,+Ba tšepahalang ba hao ba tla u boka.+ כ [Kaph] 11  Ba tla bua ka khanya ea borena ba hao,+Ba tla bua ka matla a hao,+ ל [Lamedh] 12  Hore ba tsebise bara ba batho liketso tsa hae tse matla+Le khanya ea bokhabane ba borena ba hae.+ מ [Mem] 13  Borena ba hao ke borena ho isa linakong tsohle tse sa lekanyetsoang,+Puso ea hao e pholletsa le meloko eohle e latellanang.+ ס [Samekh] 14  Jehova o tšehetsa bohle ba oang,+O phahamisa bohle ba inameng.+ ע [ʽAyin] 15  Mahlo a bohle a talima ho uena ka tšepo,+U ba fa lijo tsa bona ka nako ea tsona.+ פ [Peʼ] 16  U fuparolla seatla sa hao+U khotsofatsa takatso ea ntho e ’ngoe le e ’ngoe e phelang.+ צ [Tsadheh] 17  Jehova o lokile litseleng tsohle tsa hae+Oa tšepahala mesebetsing eohle ea hae.+ ק [Qohph] 18  Jehova o haufi le bohle ba ipiletsang ho eena,+Bohle ba ipiletsang ho eena ka ’nete.+ ר [Rehsh] 19  O tla khotsofatsa takatso ea ba mo tšabang,+O tla utloa mohoo oa bona o kōpang thuso, ’me o tla ba pholosa.+ ש [Shin] 20  Jehova o lebela bohle ba mo ratang,+Empa bohle ba khopo o tla ba felisa.+ ת [Taw] 21  Molomo oa ka o tla bolela thoriso ea Jehova;+Nama eohle e boke lebitso la hae le halalelang ho isa nakong e sa lekanyetsoang, esita le ka ho sa feleng.+

Mengolo e Botlaaseng ba Leqephe