Lipesaleme 119:1-176

א [ʼAleph] 119  Ho thaba ba se nang molato litseleng tsa bona,+Ba tsamaeang molaong oa Jehova.+   Ho thaba ba bolokang likhopotso tsa hae;+Ba ntse ba mo batla ka lipelo tsohle.+   Ka sebele ha baa etsa ho se loke.+Ba tsamaile litseleng tsa hae.+   Ka mokhoa o laelang u fane ka litaelo tsa hao+Hore li bolokoe ka hloko.+   Hoja litsela tsa ka li ne li tiisitsoe ka thata+Hore li boloke melao ea hao ea tsamaiso!+   Tabeng eo ke ne nke ke ka hlajoa ke lihlong,+Ha ke talima litaelo tsohle tsa hao.+   Ke tla u roka ka pelo e lokileng,+Ha ke ithuta liqeto tsa hao tsa boahloli tse lokileng.+   Ke tsoela pele ho boloka melao ea hao ea tsamaiso.+U se ke ua ntlohela ka ho feletseng.+ ב [Behth]   Mohlankana+ o tla hloekisa tsela ea hae joang?Ka ho itebela ho ea ka lentsoe la hao.+  10  Ke u batlile ka pelo ea ka eohle.+U se ke ua nkhelosa litaelong tsa hao.+  11  Ke bolokile polelo ea hao ka pelong ea ka,+E le hore ke se ke ka u siteloa.+  12  Ho bokoa uena, Jehova.Nthute melao ea hao ea tsamaiso.+  13  Ka molomo oa ka ke boletse+Liqeto tsohle tsa boahloli tsa molomo oa hao.+  14  Ke thabile tseleng ea likhopotso tsa hao,+Feela joaloka linthong tse ling tsohle tsa bohlokoa.+  15  Ke tla nahanisisa ka litaelo tsa hao,+Ke tla talima litseleng tsa hao.+  16  Ke tla rata litaelo tsa hao tse hlomamisitsoeng.+Nke ke ka lebala lentsoe la hao.+ ג [Gimel]  17  Etsa mohlanka oa hao ka mokhoa o loketseng, e le hore nka phela+Le hore nka boloka lentsoe la hao.+  18  Tutubolla mahlo a ka, e le hore nka talima+Lintho tse hlollang tse tsoang molaong oa hao.+  19  Ke mpa ke le mojaki feela naheng.+U se ke ua mpatela litaelo tsa hao.+  20  Moea oa ka o hateletsoe ke ho hloloheloa+Liqeto tsa hao tsa boahloli ka nako eohle.+  21  U khalemetse ka matla ba iketelletsang pele ba rohakiloeng,+Ba khelohang litaelong tsa hao.+  22  Tlosa nyeliso le keiso ho ’na,+Etsoe ke bolokile likhopotso tsa hao.+  23  Esita le likhosana li lutse; li buisane khahlanong le ’na.+Ha e le mohlanka oa hao, o nahanisisa ka melao ea hao ea tsamaiso.+  24  Hape, ke rata likhopotso tsa hao,+Joaloka banna ba nkeletsang.+ ד [Daleth]  25  Moea oa ka o ’nile oa khomarela lerōle.+Mpoloke ke phela ho ea ka lentsoe la hao.+  26  Ke boletse litsela tsa ka, e le hore u ka nkaraba.+Nthute melao ea hao ea tsamaiso.+  27  Etsa hore ke utloisise tsela ea litaelo tsa hao,+E le hore nka nahanisisa ka mesebetsi ea hao e hlollang.+  28  Moea oa ka o ’nile oa hlobaela ka lebaka la mesarelo.+Ntsose ho ea ka lentsoe la hao.+  29  Tlosa tsela ea bohata ho ’na,+U nkhauhele ka molao oa hao.+  30  Ke khethile tsela ea botšepehi.+Ke nkile liqeto tsa hao tsa boahloli e le tse loketseng.+  31  Ke khomaretse likhopotso tsa hao.+Jehova, u se ke ua ntlhabisa lihlong.+  32  Ke tla matha tseleng ea litaelo tsa hao,+Kahobane u etsa hore pelo ea ka e be le sebaka.+ ה [Heʼ]  33  Jehova, u nthute ka tsela ea melao ea hao ea tsamaiso,+E le hore nka e boloka ho fihlela qetellong.+  34  Etsa hore ke utloisise, e le hore nka boloka molao oa hao+Le hore nka o boloka ka pelo eohle.+  35  Etsa hore ke hate tseleng ea litaelo tsa hao,+Etsoe ke khahliloe ke eona.+  36  Etsa hore pelo ea ka e sekamele likhopotsong tsa hao,+Eseng liphaellong.+  37  Phemisa mahlo a ka hore a se ke a bona se se nang thuso;+Mpoloke ke phela tseleng ea hao.+  38  Phetha polelo ea hao ho mohlanka oa hao+E isang tšabong ea hao.+  39  Fetisa nyeliso ea ka, eo ke e tšohileng,+Etsoe liqeto tsa hao tsa boahloli li molemo.+  40  Bona! Ke ’nile ka hloloheloa litaelo tsa hao.+Mpoloke ke phela ka ho loka ha hao.+ ו [Waw]  41  E se eka mosa oa hao o lerato o ka tla ho ’na, Jehova,+Poloko ea hao e tle ho ’na ho ea ka polelo ea hao,+  42  E le hore nka araba ka lentsoe ea ’nyelisang,+Etsoe ke tšepile lentsoe la hao.+  43  U se ke ua tlosa lentsoe la ’nete molomong oa ka ka ho feletseng,+Etsoe ke letetse qeto ea hao ea boahloli.+  44  Ke tla boloka molao oa hao kamehla,+Ho isa nakong e sa lekanyetsoang, esita le ka ho sa feleng.+  45  Ke tla tsamaea sebakeng se seholo,+Etsoe ke batlile litaelo tsa hao.+  46  Hape ke tla bua ka likhopotso tsa hao ka pel’a marena,+Nke ke ka hlajoa ke lihlong.+  47  Ke tla rata litaelo tsa hao+Tseo ke li ratileng.+  48  Ke tla phahamisetsa liatla tsa ka litaelong tsa hao tseo ke li ratileng,+Ke tla nahanisisa ka melao ea hao ea tsamaiso.+ ז [Zayin]  49  Hopola lentsoe le eang ho mohlanka oa hao,+Leo u entseng hore ke le letele.+  50  Ke matšeliso a ka mahlorehong a ka,+Etsoe polelo ea hao e mpolokile ke phela.+  51  Ba iketelletsang pele ba mphetotse litšeho ka ho fetisisa.+Ha kea kheloha molaong oa hao.+  52  Ke hopotse liqeto tsa hao tsa boahloli ho tloha nakong e sa lekanyetsoang, Jehova,+Ke iphumanela matšeliso.+  53  Mocheso oa khalefo o ntšoere ka lebaka la ba khopo,+Ba tlohelang molao oa hao.+  54  Melao ea hao ea tsamaiso e fetohile lipina tsa thoriso ho ’na+Ka tlung ea bojaki ba ka.+  55  Ke hopotse lebitso la hao bosiu, Jehova,+E le hore nka boloka molao oa hao.+  56  Esita le sena se fetohile sa ka,Kahobane ke bolokile litaelo tsa hao.+ ח [Chehth]  57  Jehova ke kabelo ea ka;+Ke tšepisitse ho boloka mantsoe a hao.+  58  Ke nolofalitse sefahleho sa hao ka pelo ea ka eohle.+Mpontše mohau ho ea ka polelo ea hao.+  59  Ke nahanne ka litsela tsa ka,+E le hore nka khutlisetsa maoto a ka likhopotsong tsa hao.+  60  Ke ile ka potlaka, ’me ha kea ka ka lieha+Ho boloka litaelo tsa hao.+  61  Liropo tsa ba khopo li ile tsa nthatela.+Ha kea ka ka lebala molao oa hao.+  62  Ke tsoha har’a mp’a bosiu hore ke u lebohe+Bakeng sa liqeto tsa hao tsa boahloli tse lokileng.+  63  ’Na ke molekane oa bohle ba u tšabang,+Le oa ba bolokang litaelo tsa hao.+  64  Mosa oa hao o lerato, Jehova, o tletse lefatše.+Nthute melao ea hao ea tsamaiso.+ ט [Tehth]  65  Ka sebele u sebetsane le mohlanka oa hao hantle,+Jehova, ho ea ka lentsoe la hao.+  66  Nthute molemo,+ ho ba le kelello+ le tsebo,+Etsoe ke bontšitse tumelo litaelong tsa hao.+  67  Pele ke e-ba mahlorehong ke ne ke etsa sebe ka phoso,+Empa joale ke bolokile polelo ea hao.+  68  U molemo ’me u etsa se molemo.+Nthute melao ea hao ea tsamaiso.+  69  Ba iketelletsang pele ba ’netile ka leshano.+Ha e le ’na, ke tla boloka litaelo tsa hao ka pelo ea ka eohle.+  70  Lipelo tsa bona li fetohile tse hlokang boikutlo feela joaloka mafura.+Ke ratile molao oa hao.+  71  Ho hotle ho ’na hore ebe ke ’nile ka hlorisoa,+E le hore nka ithuta melao ea hao ea tsamaiso.+  72  Molao+ oa molomo oa hao o molemo ho ’na,+O molemo haholo ho feta likotoana tse likete tsa khauta le silevera.+ י [Yohdh]  73  Matsoho a hao a nkentse, ’me a ile a qala ho ntiisa.+Etsa hore ke utloisise, e le hore nka ithuta litaelo tsa hao.+  74  Ba u tšabang ke bona ba mponang le ba thabang,+Etsoe ke letetse lentsoe la hao.+  75  Jehova, ke tseba hantle hore liqeto tsa hao tsa boahloli li lokile+Le hore u ntlhorisitse ka botšepehi.+  76  Ka kōpo, e se eka mosa oa hao o lerato o ka ntšelisa,+Ho ea ka polelo ea hao ho mohlanka oa hao.+  77  Mehauhelo ea hao e tle ho ’na, e le hore nka lula ke phela;+Etsoe ke rata molao oa hao.+  78  Ba iketelletsang pele ba hlajoe ke lihlong, etsoe ba nkhelositse ntle ho lebaka.+Ha e le ’na, ke nahanisisa ka litaelo tsa hao.+  79  Ba u tšabang ba khutlele ho ’na,+Le ba tsebang likhopotso tsa hao.+  80  Pelo ea ka e be e se nang molato melaong ea hao ea tsamaiso,+E le hore ke tle ke se ke ka hlajoa ke lihlong.+ כ [Kaph]  81  Moea oa ka o hloretse poloko ea hao;+Ke letetse lentsoe la hao.+  82  Mahlo a ka a hloretse polelo ea hao,+Ha ke ntse ke re: “U tla ntšelisa neng?”+  83  Etsoe ke fetohile ea joaloka lekuka+ mosing.Ha kea lebala melao ea hao ea tsamaiso.+  84  Matsatsi a mohlanka oa hao a makae?+U tla phethisa kahlolo neng khahlanong le ba ntlhorisang?+  85  Ba iketelletsang pele ba epile mamena hore ba mphumane,+Ba sa eeng ka molao oa hao.+  86  Litaelo tsohle tsa hao ke botšepehi.+Ba ntlhorisitse ntle ho lebaka. Ak’u nthuse.+  87  Ka nakoana ba ka be ba mphelisitse lefatšeng;+Empa ha kea ka ka tlohela litaelo tsa hao.+  88  Mpoloke ke phela ho ea ka mosa oa hao o lerato,+E le hore nka boloka khopotso ea molomo oa hao.+ ל [Lamedh]  89  Jehova, lentsoe la hao le eme maholimong,+Ho isa nakong e sa lekanyetsoang.+  90  Botšepehi ba hao bo teng ho isa molokong o mong ka mor’a o mong.+U tiisitse lefatše, e le hore le ka lula le eme.+  91  Ho ea ka liqeto tsa hao tsa boahloli ba eme ho fihlela kajeno,+Etsoe ke bahlanka ba hao kaofela.+  92  Haeba ke ne ke sa rate molao oa hao,+Joale nka be ke timetse mahlorehong a ka.+  93  Nke ke ka lebala litaelo tsa hao ho isa nakong e sa lekanyetsoang,+Etsoe u mpolokile ke phela ka tsona.+  94  ’Na ke oa hao. Ak’u mpholose,+Hobane ke batlile litaelo tsa hao.+  95  Ba khopo ba letetse ’na, hore ba ntimetse.+Ke ntse ke iponahatsa ke ela hloko likhopotso tsa hao.+  96  Ke bone bofelo phethehong eohle.+Taelo ea hao e pharaletse haholo. מ [Mem]  97  Molao oa hao ke o rata hakaakang!+Ke nahanisisa ka oona letsatsi lohle.+  98  Taelo ea hao e ntlhalefisa ho feta lira tsa ka,+Kahobane ke ea ka ho isa nakong e sa lekanyetsoang.+  99  Ke na le temohisiso e fetang ea mesuoe eohle ea ka,+Kahobane ke nahanisisa ka likhopotso tsa hao.+ 100  Ke itšoara ka kutloisiso ho feta banna ba baholo,+Kahobane ke bolokile litaelo tsa hao.+ 101  Ke thibile maoto a ka tseleng e ’ngoe le e ’ngoe e mpe,+Ka morero oa hore ke boloke lentsoe la hao.+ 102  Ha kea kheloha liqeto tsa hao tsa boahloli,+Etsoe u nthupetse.+ 103  Lipolelo tsa hao e bile tse thellang hakaakang mahalapeng a ka,Ho feta mahe a linotši molomong oa ka!+ 104  Ke itšoara ka kutloisiso ka lebaka la litaelo tsa hao.+Ke ka lebaka leo ke hloileng tsela e ’ngoe le e ’ngoe ea bohata.+ נ [Nun] 105  Lentsoe la hao ke lebone la leoto la ka,+Ke leseli tseleng ea ka.+ 106  Ke hlapantse, ’me ke tla phetha,+Hore ke boloke liqeto tsa hao tsa boahloli tse lokileng.+ 107  Ke hlorisitsoe ka tekanyo e khōlō.+Jehova, u mpoloke ke phela ho ea ka lentsoe la hao.+ 108  Jehova, ka kōpo u khahlisoe ke linyehelo tsa boithaopo tsa molomo oa ka,+U nthute liqeto tsa hao tsa boahloli.+ 109  Moea oa ka o ka letsohong la ka kamehla;+Empa ha kea lebala molao oa hao.+ 110  Ba khopo ba nchehetse sefi,+Empa ha kea hlahlathela litaelong tsa hao.+ 111  Ke nkile likhopotso tsa hao e le leruo ho isa nakong e sa lekanyetsoang,+Etsoe ke thabo e khaphatsehang ea pelo ea ka.+ 112  Ke entse hore pelo ea ka e sekamele ho phetheng melao ea hao ea tsamaiso+Ho isa nakong e sa lekanyetsoang, ho fihlela qetellong.+ ס [Samekh] 113  Ke hloile ba lipelo li sa fellang,+Empa ke ratile molao oa hao.+ 114  U sebaka seo ke ipatang ho sona le thebe ea ka.+Ke letetse lentsoe la hao.+ 115  Tlohang ho ’na, lōna baetsi ba bobe,+E le hore nka boloka litaelo tsa Molimo oa ka.+ 116  Ntšehetse ho ea ka polelo ea hao, e le hore nka lula ke phela,+U se ke ua ntlhabisa lihlong bakeng sa tšepo ea ka.+ 117  Ntšehetse, e le hore nka pholoha,+Ke tla talima melao ea hao ea tsamaiso kamehla.+ 118  U hasantse bohle ba khelohang melaong ea hao ea tsamaiso;+Etsoe ho qhekella ha bona ke leshano.+ 119  U felisitse bohle ba khopo ba lefatše joaloka manya a okolehang.+Ka hona ke ratile likhopotso tsa hao.+ 120  Nama ea ka e bile le boikutlo bo sisimosang ka lebaka la ho u tšaba;+Ke tšohile ka lebaka la liqeto tsa hao tsa boahloli.+ ע [ʽAyin] 121  Ke phethisitse kahlolo le ho loka.+U se ke ua ntlohela ho ba nketsetsang bolotsana!+ 122  Ipehe paneng bakeng sa mohlanka oa hao bakeng sa se molemo.+E se eka ba iketelletsang pele ba ke ke ba nketsetsa bolotsana.+ 123  Mahlo a ka a hloretse poloko ea hao+Le polelo ea hao e lokileng.+ 124  Etsa mohlanka oa hao ho ea ka mosa oa hao o lerato,+U nthute melao ea hao ea tsamaiso.+ 125  ’Na ke mohlanka oa hao.+ Etsa hore ke utloisise,+E le hore nka tseba likhopotso tsa hao.+ 126  Ke nako ea hore Jehova a nke bohato.+Ba tlōtse molao oa hao.+ 127  Ke ka lebaka leo ke ratileng litaelo tsa hao+Ho feta khauta, esita le khauta e hloekisitsoeng.+ 128  Ke ka lebaka leo ke nkileng litaelo tsohle tsa hao mabapi le lintho tsohle e le tse nepahetseng;+Ke hloile tsela e ’ngoe le e ’ngoe ea bohata.+ פ [Peʼ] 129  Likhopotso tsa hao lia hlolla.+Ke ka lebaka leo moea oa ka o li bolokileng.+ 130  Ho senoloa ha mantsoe a hao ho fana ka leseli,+Ho etsa hore ba se nang phihlelo ba utloisise.+ 131  Ke ahlamisitse molomo, e le hore nka hemesela,+Kahobane ke hlolohetsoe litaelo tsa hao.+ 132  Retelehela ho ’na ’me u mpontše mohau,+Ho ea ka qeto ea hao ea boahloli ho ba ratang lebitso la hao.+ 133  Tiisa mehato ea ka polelong ea hao,+E se eka ho ke ke ha e-ba le mofuta oa ntho e kotsi e ka nkhatellang.+ 134  Ntopolle ho molotsana leha e le ofe oa moloko oa batho,+Ke tla boloka litaelo tsa hao.+ 135  Khantšetsa mohlanka oa hao sefahleho sa hao,+U nthute melao ea hao ea tsamaiso.+ 136  Melapo ea metsi e theohile mahlong a ka+Ka lebaka la hore ha baa boloka molao oa hao.+ צ [Tsadheh] 137  U lokile, Jehova,+Liqeto tsa hao tsa boahloli li lokile.+ 138  U laetse likhopotso tsa hao+ ka ho lokaLe ka botšepehi bo fetisisang.+ 139  Cheseho ea ka e nqetile,+Hobane bahanyetsi ba ka ba lebetse mantsoe a hao.+ 140  Polelo ea hao e hloekile haholo,+Mohlanka oa hao oa e rata.+ 141  Ha ke oa bohlokoa ’me kea eiseha.+Ha kea lebala litaelo tsa hao.+ 142  Ho loka ha hao ke ho loka ho isa nakong e sa lekanyetsoang,+Molao oa hao ke ’nete.+ 143  Mahlomola le tsietsi li ile tsa mphumana.+Ke ne ke rata litaelo tsa hao.+ 144  Ho loka ha likhopotso tsa hao ho teng ho isa nakong e sa lekanyetsoang.+Etsa hore ke utloisise, e le hore nka lula ke phela.+ ק [Qohph] 145  Ke hoelelitse ka pelo ea ka eohle.+ U nkarabe, Jehova.+Ke tla boloka melao ea hao ea tsamaiso.+ 146  Ke ipilelitse ho uena. Ak’u mpholose!+Ke tla boloka likhopotso tsa hao.+ 147  Ke tsohile esale hoseng ka meso,+ e le hore nka hoeletsa ho kōpa thuso.+Ke letetse mantsoe a hao.+ 148  Mahlo a ka a bile ka pele ho litebelo tsa bosiu,+E le hore nka nahanisisa ka polelo ea hao.+ 149  U utloe lentsoe la ka ho ea ka mosa oa hao o lerato.+Jehova, u mpoloke ke phela ho ea ka qeto ea hao ea boahloli.+ 150  Ba lelekisang boitšoaro bo hlephileng+ ba atametse;Ba suthetse hōle le molao oa hao.+ 151  U haufi, Jehova,+Litaelo tsohle tsa hao ke ’nete.+ 152  Ke tsebile tse ling tsa likhopotso tsa hao khale,+Etsoe u li thehile ho isa nakong e sa lekanyetsoang.+ ר [Rehsh] 153  Bona mahloreho a ka, ’me u mpholose;+Etsoe ha kea lebala molao oa hao.+ 154  U tsamaise nyeoe ea ka ’me u ntopolle;+U mpoloke ke phela tumellanong le polelo ea hao.+ 155  Poloko e hōle le ba khopo,+Etsoe ha baa batla melao ea hao ea tsamaiso.+ 156  Mehauhelo ea hao e mengata, Jehova.+U mpoloke ke phela, ho ea ka liqeto tsa hao tsa boahloli.+ 157  Bahlorisi ba ka le bahanyetsi ba ka ba bangata.+Ha kea kheloha likhopotso tsa hao.+ 158  Ke bone ba liketso li bolotsana,+Kea nyonya, kahobane ha baa boloka polelo ea hao.+ 159  Bona hore ke ratile litaelo tsa hao.+Jehova, u mpoloke ke phela ho ea ka mosa oa hao o lerato.+ 160  Boleng ba lentsoe la hao ke ’nete,+Qeto e ’ngoe le e ’ngoe ea hao ea boahloli e lokileng e teng ho isa nakong e sa lekanyetsoang.+ ש [Sin] kapa [Shin] 161  Likhosana li ntlhorisitse ntle ho lebaka,+Empa pelo ea ka e ’nile ea tšaba mantsoe a hao.+ 162  Ke thabela polelo ea hao+Feela joalokaha motho a thaba ka ho fetisisa ha a fumana thepa e ngata e hapuoeng.+ 163  Ke hloile leshano,+ ’me ke lula ke le hloile.+Ke ratile molao oa hao.+ 164  Ke u rorisitse ka makhetlo a supileng ka letsatsi+Ka lebaka la liqeto tsa hao tsa boahloli tse lokileng.+ 165  Ba ratang molao oa hao ba na le khotso e ngata,+Ha ho khopiso ho bona.+ 166  Ke tšepile poloko ea hao, Jehova,+Ke phethile litaelo tsa hao.+ 167  Moea oa ka o bolokile likhopotso tsa hao,+Ke li rata ka mokhoa o fetisisang.+ 168  Ke bolokile litaelo tsa hao le likhopotso tsa hao,+Etsoe litsela tsohle tsa ka li ka pel’a hao.+ ת [Taw] 169  E se eka mohoo oa ka oa kōpo e tiileng o ka atamela ka pel’a hao, Jehova.+Ho ea ka lentsoe la hao, u etse hore ke utloisise.+ 170  E se eka kōpo ea ka ea mohau e ka kena ka pel’a hao.+U ntopolle ho ea ka polelo ea hao.+ 171  E se eka molomo oa ka o ka bua ka thoriso o sa khaotse,+Etsoe u nthuta melao ea hao ea tsamaiso.+ 172  E se eka leleme la ka le ka bina polelo ea hao,+Etsoe litaelo tsohle tsa hao li lokile.+ 173  E se eka letsoho la hao le ka nthusa,+Kahobane ke khethile litaelo tsa hao.+ 174  Ke hlolohetsoe poloko ea hao, Jehova,+Ke rata molao oa hao.+ 175  E se eka moea oa ka o ka lula o phela ’me o u rorisa,+E se eka liqeto tsa hao tsa boahloli li ka nthusa.+ 176  Ke hlahlathetse joaloka nku e lahlehileng.+ Batla mohlanka oa hao,+Etsoe ha kea lebala litaelo tsa hao.+

Mengolo e Botlaaseng ba Leqephe