Lipesaleme 109:1-31

Ho motsamaisi. Ea Davida. Pina ea thoriso. 109  Molimo oa thoriso ea ka,+ u se ke ua khutsa.+   Etsoe molomo oa ea khopo le molomo oa thetso o nkahlametse.+Ba buile ka ’na ka leleme la leshano;+   Ba mpota-potile ka mantsoe a lehloeo,+Ba ntse ba ntoantša ntle ho lebaka.+   Ba ntse ba nkhanyetsa ka lebaka la lerato la ka;+Empa kea rapela.+   Ba ’neha bobe bakeng sa molemo+Le lehloeo bakeng sa lerato la ka.+   Beha ea khopo hore a mo okamele,E se eka mohanyetsi+ a ka lula a eme ka letsohong la hae le letona.   Ha a ahloloa, a ke a tlohe joaloka ea khopo;Thapelo ea hae e ke e be sebe.+   Matsatsi a hae e ke e be a seng makae;+Boemo ba hae ba bolebeli bo ke bo nkoe ke e mong.+   Bara ba hae e ke e be bashanyana ba se nang bo-ntate+Mosali oa hae e be mohlolohali.+ 10  Ka sebele bara ba hae ba ke ba lelere;+Ba tla kōpa,Ba tla batla lijo masuping a bona.+ 11  Ea alimanang ’me a batla tsoala a ke a chehe lifi bakeng sa sohle seo a nang le sona,+Basele+ ba ke ba tlatlape sehlahisoa sa hae se fumanoeng ka ho sehla.+ 12  E se eka ho ke ke ha e-ba le ea mo bontšang mosa o lerato,+E se eka ho ke ke ha e-ba le ea bontšang mohau ho bashanyana ba hae ba se nang bo-ntate. 13  Litloholo tsa hae li ke li felisoe.+Molokong o latelang mabitso a tsona a ke a hlakoloe.+ 14  Liphoso tsa baholo-holo ba hae li ke li hopoloe ke Jehova,+Sebe sa ’m’ae+—e se eka se ke ke sa hlakoloa.+ 15  Li ke li be ka pel’a Jehova kamehla;+E se eka a ka felisa ho hopoloa ha tsona lefatšeng;+ 16  Ka lebaka la hore ha aa ka a hopola ho bontša mosa o lerato,+Empa a ’na a lelekisa motho ea hlorileng le ea futsanehileng+Le ea nyahameng pelong, hore a mo bolaee.+ 17  A ’na a rata bomalimabe,+ hoo bo ileng ba mo oela holimo;+Ha aa ka a khahloa ke tlhohonolofatso,+Hoo e ileng ea e-ba hōle le eena;+ 18  A apara bomalimabe e le seaparo sa hae.+Kahoo ba tla ho eena joaloka metsi+Le joaloka oli masapong a hae. 19  E se eka ho eena bo ka ba joaloka seaparo seo a ikapesang sona+Le joaloka senyepa seo a lulang a itlamile ka sona kamehla.+ 20  Ona ke moputso oa ea nkhanyetsang o tsoang ho Jehova+Le oa ba buang hampe ka moea oa ka.+ 21  Empa ke uena Jehova ’Musi+ Morena.Sebetsana le ’na ka lebaka la lebitso la hao.+Kahobane mosa oa hao o lerato o molemo, u ntopolle.+ 22  Etsoe ke hlorile ’me ke futsanehile,+Pelo ea ka e hlabiloe ka hare ho ’na.+ 23  Joaloka moriti ha o sekama, ke tlameha ho tsamaea;+Ke hlohloriloe joaloka tsie. 24  Mangole a ka aa tšerema ke ho itima lijo,+Nama ea ka e otile, ha e na oli leha e le efe.+ 25  Ke fetohile ntho e nyelisehang ho bona.+Baa mpona—ba qala ho sisinya lihlooho.+ 26  Nthuse, Jehova Molimo oa ka;+Mpholose ho ea ka mosa oa hao o lerato.+ 27  E se eka ba ka tseba hore lena ke letsoho la hao;+Hore ke uena, Jehova, ea ho entseng.+ 28  Ba ke ba phatlalatse bomalimabe,+Empa e se eka uena u ka phatlalatsa tlhohonolofatso.+Ba phahame, empa ba ke ba hlajoe ke lihlong,+Mohlanka oa hao a ke a thabe.+ 29  Ba nkhanyetsang ba ke ba apare ho tlotlolloa,+Ba ikapese lihlong tsa bona feela joalokaha eka ke seaparo se se nang matsoho.+ 30  Ke tla roka Jehova haholo ka molomo oa ka,+Ke tla mo rorisa har’a batho ba bangata.+ 31  Etsoe o tla ema ka letsohong le letona la mofutsana,+Hore a mo pholose ho ba ahlolang moea oa hae.

Mengolo e Botlaaseng ba Leqephe