Lipesaleme 107:1-43

(Pesaleme ea 107 – 150) 107  Lebohang Jehova, kaha o molemo;+Etsoe mosa oa hae o lerato o teng ho isa nakong e sa lekanyetsoang.+   Ba pholositsoeng ba Jehova ba ke ba rialo,+Bao a ba pholositseng letsohong la mohanyetsi,+   Le bao a ba phuthileng linaheng,+Ho tsoa bochaba-tsatsi le ho tsoa bophirima-tsatsi,+Ho tsoa leboea le ho tsoa boroa.+   Ba ile ba lelera lefeelleng,+ lehoatateng;+Ha baa ka ba fumana tsela leha e le efe e eang motseng oa bolulo.+   Ba ne ba lapile, hape ba nyoriloe;+Moea oa bona oa qala ho tepella ka hare ho bona.+   Ba ’na ba hoeletsa ho Jehova mahlomoleng a bona;+A ba lopolla likhatellong tsa bona,+   A ba tsamaisa ka tsela e nepahetseng,+E le hore ba ka tla motseng oa bolulo.+   Batho ba ke ba lebohe Jehova ka mosa oa hae o lerato+Le ka mesebetsi ea hae e hlollang ho bara ba batho.+   Etsoe o khotsofalitse moea o omeletseng;+Moea o lapileng o o khorisitse lintho tse molemo.+ 10  Ho na le ba neng ba lula botšong le moriting o lefifi,+Batšoaruoa ba leng mahlorehong le litšepeng.+ 11  Etsoe ba ne ba fetohetse+ lipolelo tsa Molimo;+Ba ne ba hlompholotse keletso+ ea Ea Phahameng ka ho Fetisisa. 12  Kahoo a kokobetsa lipelo tsa bona ka khathatso;+Ba ile ba khoptjoa, ’me ho ne ho se ea thusang.+ 13  Ba qala ho hoeletsa ho Jehova ho kōpa thuso mahlomoleng a bona;+Joalokaha e le tloaelo a ba pholosa likhatellong tsa bona.+ 14  A ba ntša lefifing le moriting o lefifi,+A khaola esita le marapo a bona.+ 15  Batho ba ke ba lebohe Jehova ka mosa oa hae o lerato+Le ka mesebetsi ea hae e hlollang ho bara ba batho.+ 16  Etsoe o robile mamati a koporo,+O khaotse esita le mekoallo ea tšepe.+ 17  Bao e neng e le maoatla, ka lebaka la litsela tsa litlōlo tsa bona+Le ka lebaka la liphoso tsa bona, qetellong ba ile ba ipakela mahloreho.+ 18  Meea ea bona ea hloea lijo tsa mofuta o mong le o mong,+Ba ne ba fihla lihekeng tsa lefu.+ 19  Ba qala ho hoeletsa ho Jehova ho kōpa thuso mahlomoleng a bona;+Joalokaha e le tloaelo a ba pholosa likhatellong tsa bona.+ 20  A romela lentsoe la hae ’me a ba folisa+Le ho ba pholosa likoting tsa bona.+ 21  Batho ba ke ba lebohe Jehova ka mosa oa hae o lerato+Le ka mesebetsi ea hae e hlollang ho bara ba batho.+ 22  Ba ke ba nyehele mahlabelo a liteboho+Ba bolele mesebetsi ea hae ka mohoo oa thabo.+ 23  Ba theohelang leoatleng ka likepe,+Ba etsang mosebetsi metsing a mangata,+ 24  Ke bona ba boneng mesebetsi ea Jehova+Le mesebetsi ea hae e hlollang malibeng;+ 25  Kamoo a ntšang taelo le ho tsosa moea o matla oa sefefo,+Hoo le phahamisang maqhubu a lona.+ 26  Ba nyolohela maholimong,Ba theohela tlaase.Ka lebaka la tlokotsi meea ea bona ea qhibiliha.+ 27  Baa thekesela ’me ba therekela joaloka motho ea tahiloeng,+Esita le bohlale bohle ba bona bo ferekane.+ 28  Ba qala ho hoeletsa ho Jehova mahlomoleng a bona,+O ba ntša likhatellong tsa bona.+ 29  O etsa hore sefefo se eme se khutsitse,+Hoo maqhubu a leoatle a khutsang.+ 30  Baa thaba kahobane aa khutsa,O ba isa koung ea thabo ea bona.+ 31  Batho ba ke ba lebohe Jehova ka mosa oa hae o lerato+Le ka mesebetsi ea hae e hlollang ho bara ba batho.+ 32  Ba ke ba mo rorise haholo phuthehong ea batho;+Ba mo rorise setulong sa banna ba hōlileng.+ 33  O fetola linōka hore e be lefeella,+Le metsi a phallang o a fetola mobu o nyoriloeng,+ 34  Naha e behang o e fetola naha ea letsoai,+Ka lebaka la bobe ba ba lulang ho eona. 35  O fetola lefeella hore e be letamo la metsi le nang le lehlaka,+Le naha ea sebaka se se nang metsi o e fetola metsi a phallang.+ 36  O etsa hore ba lapileng ba lule moo,+Hoo ba tiisang motse oa bolulo ka thata.+ 37  Ba jala masimo le ho lema lirapa tsa morara,+Hore li hlahise chai e ngata.+ 38  Oa ba hlohonolofatsa e le hore ba ngatafale haholo;+Ha a lumelle likhomo tsa bona hore li fokotsehe.+ 39  Ba boetse baa fokotseha ’me baa kotlobana+Ka lebaka la thibelo, tlokotsi le mesarelo.+ 40  O tšollela nyeliso holim’a bahlomphehi,+Hoo a etsang hore ba lelere sebakeng se se nang sebōpeho, moo ho se nang tsela.+ 41  Empa o sireletsa mofutsana mahlorehong+O mo fetola hore e be malapa feela joaloka mohlape.+ 42  Ba lokileng baa bona ’me baa thaba;+Empa ha e le ho se loke hohle, ho lokela ho koala molomo oa hona.+ 43  Ke mang ea bohlale? O tla hlokomela lintho tsena+A ele hloko liketso tsa Jehova tsa mosa o lerato.+

Mengolo e Botlaaseng ba Leqephe