Lipesaleme 106:1-48

106  Rorisang Jah!+Lebohang Jehova, kaha o molemo;+Etsoe mosa oa hae o lerato o teng ho isa nakong e sa lekanyetsoang.+   Ke mang ea ka bolelang liketso tse matla tsa Jehova,+Kapa ea ka etsang hore thoriso eohle ea hae e utluoe?+   Ho thaba ba bolokang toka,+Ba etsang ho loka ka nako eohle.+   Nkhopole, Jehova, ka kamohelo ho batho ba hao.+Ntlhokomele ka poloko ea hao,+   E le hore nka bona molemo oa bakhethoa ba hao,+E le hore nka thaba ka thabo ea sechaba sa hao,+E le hore nka ithorisa ka lefa la hao.+   Re entse sebe feela joaloka baholo-holo ba rōna;+Re entse se fosahetseng; re entse bokhopo.+   Ha e le baholo-holo ba rōna Egepeta,Ha baa ka ba bontša temohisiso leha e le efe mesebetsing ea hao e hlollang.+Ha baa ka ba hopola bongata ba mosa oa hao o lerato o moholo,+Empa ba rabela leoatleng, haufi le Leoatle le Lefubelu.+   A ba pholosa ka lebaka la lebitso la hae,+E le hore a tsebahatse matla a hae.+   Ka lebaka leo a khalemela Leoatle le Lefubelu ka matla, ’me butle-butle la psha;+A qala ho ba tsamaisa ho pholletsa le boliba joalokaha eka ke ho pholletsa le lefeella;+ 10  Kahoo a ba pholosa letsohong la ea ba hloileng+A ba pholosa letsohong la sera.+ 11  Metsi a tla ’me a koahela bahanyetsi ba bona;+Ha ho le ea mong oa bona ea ileng a sala.+ 12  Joale ba e-ba le tumelo lentsoeng la hae;+Ba qala ho bina thoriso ea hae.+ 13  Ba lebala mesebetsi ea hae kapele;+Ha baa ka ba letela keletso ea hae.+ 14  Empa ba bontša takatso ea bona ea boithati lefeelleng+Ba qala ho leka Molimo lehoatateng.+ 15  A ba fa seo ba se kōpang+Le ho romela lefu le senyang meeeng ea bona.+ 16  Ba qala ho honohela Moshe liahelong,+Esita le Arone mohalaleli oa Jehova.+ 17  Joale lefatše la buleha ’me la metsa Dathane,+La koahela phutheho ea Abirame.+ 18  Mollo oa tuka har’a phutheho ea bona;+Lelakabe la timetsa ba khopo.+ 19  Ho feta moo, ba etsa namane Horebe+Ba inamela setšoantšo se entsoeng ka ho qhibilihisoa,+ 20  Hoo ba ileng ba nkela khanya ea ka sebaka+Ka setšoantšo sa poho, e jang limela.+ 21  Ba lebala Molimo Mopholosi oa bona,+Moetsi oa lintho tse khōlō Egepeta,+ 22  Mesebetsi e hlollang naheng ea Kama,+Lintho tse tšabehang Leoatleng le Lefubelu.+ 23  O ne a le lekhatheng la ho re ba felisoe,+Hoja e ne e se ka Moshe mokhethoa oa hae,Ea ileng a ema sekheong se ka pel’a hae,+Hore a khutlise khalefo ea hae hore a se ke a ba felisa.+ 24  Ba eisa naha e lakatsehang;+Ba ne ba se na tumelo lentsoeng la hae.+ 25  Ba ’na ba honotha ka litenteng tsa bona;+Ha baa ka ba mamela lentsoe la Jehova.+ 26  Kahoo a phahamisa letsoho la hae ka kano malebana le bona,+Hore o ne a tla ba liha lefeelleng,+ 27  Le hore o ne a tla liha bana ba bona har’a lichaba,+Le hore o ne a tla ba hasanya har’a linaha.+ 28  Ba qala ho ikamahanya le Baale oa Peore+Le ho ja mahlabelo a ba shoeleng.+ 29  Kaha ba ne ba baka khopiso ka mesebetsi ea bona,+Joale lefu la seoa la e-ba teng har’a bona.+ 30  Ha Finease a ema ’me a kenella,+Joale lefu la seoa la emisoa. 31  A ho balloa e le ho lokaMolokong o mong ka mor’a o mong ho isa nakong e sa lekanyetsoang.+ 32  Ho ekelletsa moo, ba baka khalefo metsing a Meriba,+Hoo lintho li ileng tsa tsamaela Moshe hampe ka lebaka la bona.+ 33  Etsoe ba ile ba utloisa moea oa hae bohlokoA qala ho bua ka lepotlapotla ka molomo oa hae.+ 34  Ha baa ka ba felisa lichaba,+Joalokaha Jehova a ne a ba boleletse.+ 35  Ba qala ho itsoakanya le lichaba+Ba ithuta mesebetsi ea tsona.+ 36  Ba ’na ba sebeletsa litšoantšo tsa tsona tse rapeloang,+Tsa fetoha leraba ho bona.+ 37  Ba ne ba hlabela bademona bara ba bona+Le barali ba bona.+ 38  Kahoo ba ’na ba tšolla mali a hlokang molato,+Mali a bara ba bona le barali ba bona,Bao ba ileng ba ba hlabela litšoantšo tse rapeloang tsa Kanana;+Naha ea silafala ke tšollo ea mali.+ 39  Ba fetoha ba sa hloekang ke mesebetsi ea bona+Ba ’na ba e-ba le likamano tse litšila ka mesebetsi ea bona.+ 40  Bohale ba Jehova ba qala ho tukela batho ba hae,+A hloea lefa la hae.+ 41  Khafetsa a nehelana ka bona matsohong a lichaba,+E le hore ba ba hloileng ba ka ba busa,+ 42  Le hore lira tsa bona li ka ba hatella,Le hore ba ka kokobetsoa tlas’a matsoho a tsona.+ 43  Ka makhetlo a mangata o ne a ba lopolla,+Empa bona ba ne ba rabela tseleng ea bona ea ho se mamele,+Ba ne ba theoleloa tlaase ka lebaka la liphoso tsa bona.+ 44  O ne a bona mahlomola a bona+Ha a utloa mohoo oa bona oa kōpo e tiileng.+ 45  O ne a hopola selekane sa hae malebana le bona,+O ne a ikutloa a soabile ho ea ka bongata ba mosa oa hae o lerato o moholo.+ 46  O ne a ba lumella hore ba hauheloeKa pel’a bohle ba ba tšoereng e le baholehuoa.+ 47  Re pholose, Jehova Molimo oa rōna,+U re phuthe lichabeng+Hore re lebohe lebitso la hao le halalelang,+Hore re bue ka thabo e khaphatsehang ka thoriso ea hao.+ 48  Ho bokoe Jehova Molimo oa Iseraele+Ho tloha nakong e sa lekanyetsoang esita le ho isa nakong e sa lekanyetsoang;Batho bohle ba tla re Amen.+Rorisang Jah!+

Mengolo e Botlaaseng ba Leqephe