Jobo 5:1-27

5  “Ka kōpo, hooa! Na ho na le ea u arabang?U tla retelehela ho ofe oa bahalaleli?   Etsoe khalefo e tla bolaea leoatla,Mohono o tla bolaea ea ekoang habonolo.   Ke bone leoatla le mela ka metso,+Empa ka tšohanyetso ka qala ho rohaka sebaka sa lona sa bolulo.   Bara ba lona ba lula ba le hōle le poloko,+Ba silakanngoa hekeng ho se molopolli.   Seo le se kotulang se jeoa ke ea lapileng;Motho o se nka lihakising tsa nama,Leraba le hloibila seo ba iphelisang ka sona.   Etsoe se kotsi ha se tsoe lerōleng,Khathatso ha e hlahe mobung.   Etsoe motho o tsoalloa khathatso,Joalokaha litlhase li fofela holimo.   Leha ho le joalo, ke ne ke tla kōpa Molimo,Ke ne ke tla hlahisa nyeoe+ ea ka ho Molimo,   Ho Ea etsang lintho tse khōlō tse ke keng tsa batlisisoa,Lintho tse hlollang tse se nang palo;+ 10  Ho Ea fanang ka pula holim ’a lefatše+Le ea romelang metsi masimong;+ 11  Ho Ea behang ba tlaase sebakeng se phahameng,+E le hore ba hlomohileng ba phahamele polokong; 12  Ho Ea nyopisang merero ea ba masene,+E le hore matsoho a bona a se ke a sebetsa ka katleho; 13  Ho Ea tšoasang ba bohlale manong+ a bona,E le hore morero oa ba masene o phethoe ka lepotlapotla;+ 14  Esita le motšehare ba thulana le lefifi,Ba phopholetsa har’a motšehare joalokaha eka ke bosiu;+ 15  Ho Ea pholosang mofutsana+ saboleng e tsoang melomong ea bona,Le letsohong la ea matla, 16  E le hore ho be le tšepo bakeng sa ea tlaase,+Empa ho se loke ho koale molomo.+ 17  Bona! Ho thaba motho eo Molimo a mo khalemelang;+U se ke ua lahla taeo ea Ea Matla ’Ohle! 18  Etsoe o baka bohloko, empa o tlamisa leqeba;O roba likoto, empa matsoho a hae aa folisa. 19  O tla u lopolla mahlomoleng a tšeletseng,+Ho a supileng ha ho letho le kotsi le tla u ama.+ 20  Ka sebele o tla u lopolla lefung+ nakong ea tlala,A u lopolle matleng a sabole nakong ea ntoa. 21  U tla pateloa ho shapa ha leleme,+U ke ke ua tšaba tlatlapo ha e tla. 22  U tla tšeha tlatlapo le tlala,Ha ho hlokahale hore u tšohe sebata sa lefatše. 23  Etsoe u tla ba le selekane le majoe a naha,Sebata sa lefatše se tla etsoa hore se phele le uena ka khotso.+ 24  Ka sebele u tla tseba hore khotso ke tente ea hao,U tla tlameha ho ea ’me u bone lekhulo la hao, ’me u ke ke ua hloka letho. 25  Ka sebele u tla tseba hore bana ba hao ba bangata+Litloholo tsa hao li joaloka limela tsa lefatše.+ 26  U tla tla sebakeng sa lepato+ ka mahlahahlaha,Joalokaha mangata a bokellana ka nako ea ’ona. 27  Bona! Sena ke seo re se batlisisitseng. Se joalo.Se utloe, ’me uena—u se tsebe.”

Mengolo e Botlaaseng ba Leqephe