Jobo 38:1-41

38  Jehova a araba Jobo a le sefefong+ ’me a re:   “Ke mang eo ea patang keletsoKa mantsoe a se nang tsebo?+   Ka kōpo, itlame letheka joaloka monna ea shahlileng,Ke u botse, uena u ntsebise.+   U ne u le hokae ha ke theha lefatše?+Mpolelle, haeba u tseba kutloisiso.   Ke mang ea behileng litekanyo tsa lona, haeba u tseba,Kapa ke mang ea ileng a otlolla khoele ea ho lekanya holim ’a lona?   Litšehetso tsa lona tse sekoti+ li kentsoe ho eng,Kapa ke mang ea behileng lejoe la lona la sekhutlo,   Ha linaleli tsa hoseng+ li hoeletsa ka thabo hammoho,Bara bohle ba Molimo+ ba qala ho hlaba litlatse?   Ke mang ea etselitseng leoatle mokoallo ka mamati,+Le ileng la tsoa joalokaha eka le qhashoha pōpelong;   Ha ke beha leru e le seaparo sa lonaLe botšo bo boholo e le lesela la lona le phuthelang, 10  Ka beha molao oa ka oa tsamaiso holim ’a lonaKa beha mekoallo le mamati,+ 11  Ka re, ‘U ka fihla bohōleng bona, eseng ho fetela pele;+Maqhubu a hao a phahameng a lekanyelitsoe+ ho fihla mona’? 12  Na u ile ua laela hoseng+ ho tloha matsatsing a hao ho ea pele?Na u ile ua etsa hore mafube a tsebe sebaka sa ’ona, 13  Hore a tšoare lipheletso tsa lefatše,E le hore ba khopo ba ka hlohloroa ho lona?+ 14  A iphetola joaloka letsopa+ tlas’a tiiso,Lintho li ema joalokaha eka li apere. 15  Ba khopo ba haneloa ka leseli la bona,+Letsoho le phahameng lea robeha.+ 16  Na u fihlile mehloling ea leoatle,Kapa u tsamaile+ u ntse u batla boliba?+ 17  Na u buletsoe liheke tsa lefu,+Kapa na u ka bona liheke tsa moriti o lefifi?+ 18  Na u nahanne ka bohlale ka libaka tse pharaletseng tsa lefatše?+Bolela, haeba u tseba sohle. 19  Joale, tsela e eang moo letsatsi le lulang+ e hokae?Ha e le lefifi, sebaka sa lona se hokae, 20  E le hore u ka le isa moeling oa lonaLe hore u utloisise litsela tse eang ntlong ea lona? 21  Na ua tseba kahobane u ile ua tsoaloa+ ka nako eo,Kahobane matsatsi a hao a mangata ka palo? 22  Na u kene ka matlung a polokelo a lehloa,+Kapa na u bona matlo a polokelo a sefako,+ 23  Ao ke a boloketseng nako ea mahlomola,Bakeng sa letsatsi la ho loana le ntoa?+ 24  Joale, tsela eo leseli le ikabang ka eona e hokae,Le eo moea oa bochabela+ o hasa-hasanang ka eona holim ’a lefatše? 25  Ke mang ea arotseng kotopo bakeng sa moroalloLe tsela bakeng sa maru a sefefo a sealuma,+ 26  Ho nesa pula naheng eo ho eona ho se nang motho,+Lefeelleng leo ho lona ho se nang motho oa lefatše, 27  Ho khotsofatsa libaka tse otliloeng ke sefefo le tse lesupiLe ho melisa lehlōmela la joang?+ 28  Na pula e na le ntate,+Kapa ke mang ea tsoetseng marotholi a phoka?+ 29  Ha e le hantle leqhoa le tsoa ka mpeng ea mang,Ha e le serame+ sa leholimo, ke mang ea se tsoalang? 30  Metsi a lula a ipatile joalokaha eka ke ka tlas’a lejoe,Bokaholimo ba boliba bo iketsa hore bo tiee.+ 31  Na u ka tiisa litlamo tsa sehlopha sa linaleli sa Kima,Kapa na u ka lokolla lithapo tsa sehlopha sa linaleli sa Kesile?+ 32  Na u ka hlahisa sehlopha sa linaleli sa Mazarothe ka nako ea sona e behiloeng?Ha e le sehlopha sa linaleli sa Ashe haufi le bara ba sona, na u ka se tsamaisa? 33  Na u tseba litaelo tse hlomamisitsoeng tsa maholimo,+Kapa na u ka beha matla a ’ona lefatšeng? 34  Na u ka phahamisetsa lentsoe la hao lerung,E le hore moroallo o nyolohang oa metsi o ka u koahela?+ 35  Na u ka ntša mahalima e le hore a ka tsamaeaA re ho uena, ‘Ke rōna bana!’? 36  Ke mang ea kentseng bohlale+ marung,Kapa ke mang ea fileng lipono tse makatsang tsa leholimo kutloisiso?+ 37  Ke mang ea ka balang maru hantle ka bohlale,Kapa linkho tsa metsi tsa leholimo—ke mang ea ka li thulamisang,+ 38  Ha lerōle le tšoloha joalokaha eka le tšolohela ka nthong e entsoeng ka ho qhibilihisoa,Makote a khomarelana? 39  Na u ka tsomela tau phofuNa u ka khotsofatsa takatso e matla ea lijo ea litaoana,+ 40  Ha li botha libakeng tseo li ipatang ho tsona,+Kapa li bothile selaong moo li lallang teng? 41  Ke mang ea lokisetsang lekhoaba lijo+ tsa lonaHa malinyane a lona a hoeletsa ho Molimo ho kōpa thuso,Ha a ntse a lelera kahobane ho se letho le jeoang?

Mengolo e Botlaaseng ba Leqephe