Jobo 32:1-22

32  Kahoo banna bana ba bararo ba khaotsa ho araba Jobo, etsoe o ne a lokile mahlong+ a hae.  Empa bohale ba Elihu mora oa Barakele Mobuze+ oa lelapa la Rame ba tuka. Bohale ba hae ba tukela Jobo ka lebaka la ho bolela hore moea oa hae o lokile ho e-na le Molimo.+  Hape, bohale ba hae ba tukela metsoalle ea hae e meraro ka lebaka la hore e ne e sa fumana karabo empa e phatlalalitse hore Molimo o khopo.+  Elihu o ne a letetse Jobo ka mantsoe, kahobane ba ne ba le baholo ho eena ka matsatsi.+  Butle-butle Elihu a bona hore ha ho karabo melomong+ ea banna bao ba bararo, ’me bohale ba hae ba ’na ba tuka.  Elihu mora oa Barakele Mobuze a araba a re:“Ke monyenyane ka matsatsiLōna le hōlile.+Ke ka lebaka leo ke ileng ka chechela morao ’me ka tšabaHo le bolella tsebo ea ka.   Ke ile ka re, ‘Matsatsi a lokela ho bua,Lilemo tse ngata ke tsona tse lokelang ho tsebahatsa bohlale.’+   Ka sebele ke moea o ka ho batho ba shoangLe phefumoloho ea Ea Matla ’Ohle e ba fang kutloisiso.+   Hase ba nang le matsatsi a mangata feela ba bohlale,+Kapa hore ke ba hōlileng feela ba utloisisang kahlolo.+ 10  Kahoo ke itse, ‘’Mamele.Ke tla bolela tsebo ea ka.’ 11  Bonang! Ke ’nile ka letela mantsoe a lōna,Ka ’na ka mamela menahano+ ea lōna,Ho fihlela le ka batla mantsoe ao le lokelang ho a bua. 12  Ke ile ka lula ke lebisitse tlhokomelo ho lōna,Bonang! ha ho ea khalemelang Jobo,Ha ho le ea mong ho lōna ea arabang lipolelo tsa hae, 13  E le hore le se ke la re, ‘Re fumane bohlale;+Ke Molimo ea mo lelekang, eseng motho.’ 14  Kaha ha aa teka mantsoe khahlanong le ’na,Kahoo nke ke ka mo araba ka lipolelo tsa lōna. 15  Ba tšohile, ha baa araba;Mantsoe a tlohile ho bona. 16  Ke letile, kaha ha ba tsoele pele ho bua;Etsoe ba eme, ha baa araba. 17  Ke tla fana ka karolo ea ka ha ke araba;Ke tla bolela tsebo ea ka; 18  Etsoe ke tletse mantsoe;Moea o nkhateletse+ ka mpeng. 19  Bonang! Mpa ea ka e joaloka veine e se nang lesoba;E batla ho phatloha joaloka makuka a macha.+ 20  E-reng ke bue e le hore nka phomola.Ke tla ahlamisa molomo oa ka e le hore nka araba.+ 21  Ka kōpo, e-reng ke se ke ka bontša leeme ho motho;+Nke ke ka fa motho oa lefatše tlotla;+ 22  Etsoe ka sebele ha ke tsebe hore na nka fana ka tlotla joang;Moetsi+ oa ka o ne a tla ntlosa habonolo.

Mengolo e Botlaaseng ba Leqephe