Jobo 28:1-28

28  “Ka sebele, ho na le sebaka seo silevera e fumanoang ho sonaLe sebaka sa khauta eo ba e hloekisang;+   Tšepe e nkoa lerōleng+Koporo e ntse e tšolloa lejoeng.   O behile bofelo ba lefifi;Ho isa pheletsong e ’ngoe le e ’ngoe o batlisisa+Lejoe botšong le moriting o lefifi.   O chekile sekoti hōle le moo batho ba lulang e le bajaki,+Libakeng tse lebetsoeng tse hōle le leoto;Ba bang ba batho ba shoang ba theohile, ba leketlile.   Ha e le lefatše, lijo li tsoa ho lona;+Empa ka tlas’a lona, le phethotsoe joalokaha eka ke ka mollo.   Majoe a lona ke sebaka sa safire,+Le na le lerōle la khauta.   Tsela—ha ho nonyana e jang nama+ e e tsebileng,Leha e le hore leihlo la ’mankholi e motšo+ le e bone.   Libata tse khōlō ha lia e hatakela hore e tiee;Taoana ha ea tsamaea ho eona.   O otlolletse letsoho la hae holim ’a lejoe le thata;O lihile lithaba ho tloha metsong ea tsona; 10  O etselitse likoti tse tletseng metsi likotopo tse kenang mafikeng,+Leihlo la hae le bone lintho tsohle tsa bohlokoa. 11  O thibile+ libaka tseo linōka li phallang ho tsona,O tlisa ntho e patiloeng leseling. 12  Empa bohlale—bo ka fumanoa hokae,+Joale, sebaka sa kutloisiso se hokae? 13  Motho ea shoang ha a tsebe bohlokoa ba bona,+Ha bo fumanoe lefatšeng la ba phelang. 14  Boliba bo itse,‘Ha bo eo ho ’na!’Le leoatle le itse, ‘Ha bo eo ho ’na!’+ 15  Ho ke ke ha fanoa ka khauta e hloekileng e le phapanyetsano bakeng sa bona,+Silevera e ke ke ea bekhoa e le tefello ea bona. 16  Bo ke ke ba lefelloa ka khauta ea Ofire,+Ka lejoe la onyxe le fumanehang ka seoelo le safire. 17  Khauta le khalase li ke ke tsa bapisoa le bona,Leha e le hore sejana sefe kapa sefe sa khauta e hloekisitsoeng ke phapanyetsano ea bona. 18  Korale+ le kristale ea lejoe li ke ke tsa boleloa,Empa mokotla o tletseng bohlale ke oa bohlokoa ho feta o tletseng liperela.+ 19  Topaze+ ea Kushe e ke ke ea bapisoa le bona;Bo ke ke ba lefelloa ka khauta e hloekileng. 20  Empa bohlale—bo tsoa hokae,+Joale, sebaka sa kutloisiso se hokae? 21  Bo patetsoe mahlo a e mong le e mong ea phelang,+Bo patetsoe libōpuoa tse fofang tsa maholimo. 22  Timetso le lefu li itse,‘Re utloile tlaleho ea bona ka litsebe tsa rōna.’ 23  Molimo ke Eena ea utloisisitseng tsela ea bona,+O tsebile sebaka sa bona, 24  Etsoe o talima lipheletso tsa lefatše;+O bona tlas’a maholimo ’ohle, 25  E le ho etsetsa moea+ boima,Ha a ntse a lekantse metsi ka tekanyo;+ 26  Ha a etsetsa pula molao oa tsamaiso,+Le tsela bakeng sa maru a sefefo a sealuma, 27  Joale o ile a bona bohlale ’me a bua ka bona;A bo lokisa ’me a boela a bo phenya. 28  A tsoela pele ho re ho motho,‘Bona! Ho tšaba Jehova—ke bohlale,+Ho furalla bobe ke kutloisiso.’”+

Mengolo e Botlaaseng ba Leqephe