Jobo 23:1-17

23  Jobo a araba a re:   “Esita le kajeno ho tšoenyeha+ ha ka ke borabele;Letsoho la ka le boima ka lebaka la ho feheloa ha ka.   Hoja ke ne ke tseba moo nka mo fumanang teng!+Ke ne ke tla tla sebakeng sa hae se tsitsitseng.+   Ke ne ke tla hlahisa nyeoe ea toka ka pel’a hae,Ke ne ke tla tlatsa molomo oa ka ka likhanyetso;   Ke ne ke tla tseba mantsoe ao a nkarabang ka ’ona,Ke ne ke tla nahana ka seo a mpolellang sona.+   Na o ne a tla tsekisana le ’na ka matla a mangata?Che! Ka sebele o ne a tla nkela hloko.+   Ka sebele ea lokileng o tla lokisa litaba le eena moo,Ke ne ke tla tsamaea ke sireletsehile ka ho sa feleng ho tloha ho moahloli oa ka.   Bonang! Ke ea bochabela, ’me ha a eo;Ke boetse kea khutla, ’me ha ke mo lemohe;+   Ke ea ka ho le letšehali moo a sebetsang teng, empa ha ke mo bone;O khelohela ka ho le letona, empa ha ke mo bone. 10  Etsoe o tseba hantle tsela eo ke e nkang.+Ka mor’a hore a nteke, ke tla tsoa ke le joaloka khauta.+ 11  Leoto la ka le tšoere mehato ea hae;Ke bolokile tsela ea hae, ’me ha ke khelohe.+ 12  Ha ke tlohe taelong ea molomo oa hae.+Ke bolokile lipolelo tsa molomo+ oa hae ho feta seo ke se laetsoeng. 13  O na le khopolo e le ’ngoe, ’me ke mang ea ka mo hanyetsang?+Moea oa hae o na le takatso, ’me o tla e phetha.+ 14  Etsoe o tla phetha ka ho feletseng seo ke se laetsoeng,+Lintho tse joaloka tsena li ngata ho eena. 15  Ke ka lebaka leo ke ikutloang ke khathatsehile ka lebaka la hae;Ke iponahatsa ke ela hloko ’me ke mo tšohile.+ 16  Esita le Molimo o entse hore pelo ea ka e tšohe,+Ea Matla ’Ohle o nkhathalitse.+ 17  Etsoe ha kea khutsisoa ka lebaka la lefifi,Leha e le hore ke kahobane botšo bo koahetse sefahleho sa ka.

Mengolo e Botlaaseng ba Leqephe