Jobo 22:1-30

22  Elifaze Motemane a araba a re:   “Na monna ea shahlileng a ka ba le thuso ho Molimo,+E le hore leha e le ofe ea nang le temohisiso a ka ba le thuso ho eena?   Na Ea Matla ’Ohle o thabisoa ke letho ka hore ebe u lokile,+Kapa o rua letho ka hore ebe u etsa hore tsela ea hao e be e sa tšoauoeng phoso?+   Na o tla u khalemela ka lebaka la tlhompho ea hao ea borapeli,Na o tla kena kahlolong le uena?+   Na bobe ba hao bo se bo ntse bo se bongata haholo,+Na liphoso tsa hao li ke ke tsa fela?   Etsoe u nka tebeletso ho barab’eno ntle ho lebaka,+U nka liaparo tsa batho ba hlobotseng.   Ha u fe ea khathetseng metsi hore a noe,U tima ea lapileng bohobe.+   Ha e le motho ea matla, naha ke ea hae,+Motho ea tšoaroang ka leeme o lula ho eona.   U itse bahlolohali ba tsamaee ba sa nka letho,Matsoho a bashanyana ba se nang bo-ntate a robakantsoe.+ 10  Ke ka lebaka leo lifi tsa linonyana li u pota-potileng ka hohle,+’Me matšabeho a tšohanyetso a u tšoenyang; 11  Kapa lefifi, hoo u sa boneng,Moroallo o nyolohang oa metsi oa u koahela. 12  Na Molimo hase bophahamo ba leholimo?+Hape bona kakaretso e feletseng ea linaleli,+ hore li phahame. 13  Leha ho le joalo u itse: ‘Ha e le hantle Molimo o tseba’ng?Na a ka ahlola botšong bo boholo? 14  Maru ke sebaka seo a ipatang ho sona hoo a sa boneng,O tsamaea selika-likoeng sa leholimo.’ 15  Na u tla ’ne u tsoele pele tseleng ea khaleEo batho ba kotsi ba e hatileng, 16  Batho ba hloibitsoeng pele ho nako ea bona,+Bao motheo+ oa bona o hoholoang joaloka nōka, 17  Ba reng ho Molimo oa ’nete: ‘Tloha ho rōna!+Ea Matla ’Ohle a ka finyella eng khahlanong le rōna?’ 18  Empa leha ho le joalo o tlatsitse matlo a bona ka lintho tse molemo;+Merero ea ba khopo e hōle le ’na.+ 19  Ba lokileng ba tla bona ’me ba thabe,+Ea hlokang molato o tla ba fetola litšeho: 20  ‘Kannete bahanyetsi ba rōna ba felisitsoe;Se setseng ho bona ka sebele mollo o tla se qeta.’ 21  Ka kōpo, itloaetse eena, ’me u boloke khotso;Ka tsela eo u tla tleloa ke lintho tse molemo. 22  Ka kōpo, nka molao o tsoang molomong oa hae,U kenye lipolelo tsa hae ka pelong ea hao.+ 23  Haeba u khutlela ho Ea Matla ’Ohle,+ u tla hahoa;Haeba u ka suthisetsa ho se loke hōle le tente ea hao, 24  Haeba ho behoa serafshoa sa bohlokoa lerōlengLe khauta ea Ofire+ lefikeng la liphula tsa melapo e phoroselang, 25  Ka sebele le Ea Matla ’Ohle o tla fetoha lirafshoa tsa hao tsa bohlokoa,A fetohe silevera, e ntle ka ho fetisisa, ho uena.+ 26  Etsoe joale u tla fumana thabo e phethehileng+ ho Ea Matla ’Ohle,U tla phahamisetsa sefahleho sa hao ho Molimo.+ 27  U tla etsa kōpo e tiileng ho eena, ’me o tla u utloa;+U tla phetha+ boitlamo ba hao. 28  U tla etsa qeto ka ho hong, ’me e tla ema e tiile ho uena;Ka sebele leseli le tla khantša litsela tsa hao.+ 29  Etsoe ho tla ba le ho kokobetsoa ha u bua ka boikakaso;+Empa o tla pholosa ea nang le mahlo a soabileng.+ 30  O tla pholosa motho ea hlokang molato,+Ka sebele u tla pholosoa ka lebaka la ho hloeka ha matsoho a hao.”+

Mengolo e Botlaaseng ba Leqephe