Jobo 19:1-29

19  Jobo a araba a re:   “Le tla ’ne le halefise moea oa ka halelele hakae+Le ho ’na le ntšithabetsa ka mantsoe?+   Le nkhalemetse ka matla ka makhetlo ana a leshome;Ha le hlajoe ke lihlong hore ebe le nkhahlapetsa hakana.+   Ke ’nete hore ke entse phoso,+Phoso ea ka e tla lula ho ’na.   Haeba kannete le ikhohomosetsa ’na,+Le bontša nyeliso ea ka e le e loketseng khahlanong le ’na,+   Joale, tsebang hore Molimo o nkhelositse,O nkoahetse ka letlooa la hae la ho tsoma.+   Bonang! Ke ntse ke hoeletsa ke re, ‘Pefo!’ empa ha ke fumane karabo;+Ke ntse ke hoeletsa ho kōpa thuso, empa ha ho na toka.+   O thibile tsela ea ka ka lerako la majoe,+ ’me ha ke khone ho feta;O beha lefifi tseleng ea ka.+   O nkamohile khanya ea ka,+O tlosa moqhaka oa hlooho ea ka. 10  O nkheletsa ka mahlakoreng ’ohle, ’me kea tsamaea;O fothola tšepo ea ka feela joaloka sefate. 11  Bohale ba hae bo boetse boa ntukela,+O ntse a nkuka joaloka mohanyetsi oa hae. 12  Lihlopha tsa hae tsa masole li tla li kopane ’me li haha tsela ea tsona khahlanong le ’na,+Li hloma liahelo ho pota-pota tente ea ka. 13  O suthiselitse barab’eso hōle le ’na,+Ba ntsebang ba suthetse thōko le ’na. 14  Batho bao ke ba tloaetseng haholo ha ba eo,+Bao ke ba tsebang ba ntebetse, 15  Ba lulang ka tlung ea ka e le bajaki;+ ’me makhabunyane a ka a nkuka ke le osele;Ke fetohile molata oa sebele mahlong a ’ona. 16  Ke bitsitse mohlanka oa ka, empa ha a arabe.Ka molomo oa ka ke ntse ke mo kōpa qenehelo. 17  Moea oa ka o fetohile o nyonyehang ho mosali oa ka,+Ke fetohile ea nkhang hampe ho bara ba mpa ea ’Mè. 18  Bashanyana le bona ba ntahlile;+Ha ke re kea tsoha, ba qala ho bua khahlanong le ’na. 19  Banna bohle ba sehlopha sa metsoalle ea ka e haufi-ufi ba ntlhoile,+Bao ke neng ke ba rata ba mphetohetse.+ 20  Masapo a ka a khomaretse+ letlalong la ka le nameng ea ka,Ke phonyoha ka letlalo la meno a ka. 21  Mpontšeng mohau, mpontšeng mohau, Lōna metsoalle+ ea ka,Etsoe letsoho la Molimo le nkamile.+ 22  Ke hobane’ng ha le ntse le ntlhorisa joalokaha Molimo a ntlhorisa,+Le sa khotsofalle nama ea ka? 23  Joale hoja mantsoe a ka a ne a ngotsoe fatše!Hoja a ne a ngotsoe bukeng! 24  Ka pene+ ea tšepe le ka loto,Hoja a ne a betliloe ka ho sa feleng lefikeng! 25  Kea tseba hore molopolli+ oa ka oa phela,Le hore, ha a tla ka mor’a ka, o tla phahamela+ lerōle. 26  Ka mor’a letlalo la ka, leo ba le mumutseng,—sena!Le hoja ke fokola nameng ke tla bona Molimo, 27  Eo ke tla mo bona,+Le eo ka sebele mahlo a ka a tla mo bona, empa eseng osele.Liphio tsa ka li feletsoe ke matla ka hare ho ’na. 28  Etsoe le re, ‘Ke hobane’ng ha re ntse re mo hlorisa?’+Ha motso oa taba o fumanoa ho ’na. 29  Tšohang ka lebaka la sabole,+Etsoe sabole e bolela khalefo khahlanong le liphoso,E le hore le ka tseba hore ho na le moahloli.”+

Mengolo e Botlaaseng ba Leqephe