Jobo 13:1-28

13  “Bonang! Leihlo la ka le bone sena sohle,Tsebe ea ka e se utloile ’me ea se nahana.   Seo le se tsebang le ’na kea se tseba;Ha ke tlaasana ho lōna.+   Leha ho le joalo, ke ne ke tla bua le Ea Matla ’Ohle,+Ke ne ke tla khahloa ke ho phehisana le Molimo.   Ka lehlakoreng le leng, lōna le ba netang ka leshano;+Kaofela ha lōna le lingaka tsa lefeela.+   Hoja le ne le ka khutsa ka ho feletseng,E le hore e ka ba bohlale ho lōna!+   Ka kōpo, utloang likhanyetso tsa ka,+Le ele hloko likōpo tse tiileng tsa molomo oa ka.   Na le tla bua ho se loke bakeng sa Molimo,Na le tla bua thetso+ bakeng sa hae?   Na le tla mo tšoara ka leeme,+Kapa na le tla tseka molaong bakeng sa Molimo oa ’nete?   Na ho ne ho tla ba hotle hore a le botse?+Kapa na le tla mo etsetsa mano joalokaha motho a etsetsa motho ea shoang mano? 10  Ka sebele o tla le khalemela+Haeba le leka ho bontša leeme+ ka sephiring; 11  Na ho hlompheha ha hae ho ke ke ha etsa hore le qale ho tšoha,Le mo tšabe?+ 12  Lipolelo tsa lōna tse hopolehang ke maele a molora;Mepopotlo ea lithebe tsa lōna e joaloka mepopotlo ea lithebe tsa letsopa.+ 13  Khutsang ka pel’a ka, e le hore nka bua.Joale nke ke etsahalloe ke eng kapa eng! 14  Ke hobane’ng ha ke tšoara nama ea ka ka menoKe beha moea oa ka seatleng+ sa ka? 15  Esita leha a ka mpolaea, na ke ne nke ke ka leta?+Ke ne ke tla pheha khang feela ka pel’a sefahleho sa hae bakeng sa litsela tsa ka. 16  E ne e tla boela e be poloko ea ka,+Etsoe ha ho mokoenehi ea tla kena ka pel’a hae.+ 17  Utloang lentsoe la ka ka ho hlaka,+Polelo ea ka e be litsebeng tsa lōna. 18  Bonang! Ka kōpo, ke hlahisitse nyeoe ea toka;+Ke tseba hantle hore ke nepile. 19  Ke mang ea tla tsekisana le ’na?+Etsoe joale ha ke ne nka khutsa nka be ke shoele! 20  U se ke ua nketsa lintho tse peli feela;Tabeng eo nke ke ka ipata ka lebaka la hao feela;+ 21  Suthisetsa letsoho la hao hōle le ’na,Ho u tšaba—e se eka ho ke ke ha ntšosa.+ 22  Hooa e le hore nka araba;Kapa ke bue, ’me u nkarabe. 23  Ke ka tsela efe ke nang le liphoso le libe?Ntsebise bofetoheli ba ka le sebe sa ka. 24  Ke hobane’ng ha u pata sefahleho+ sa haoU nkuka ke le sera sa hao?+ 25  Na u tla etsa hore lekhasi le fefoloang ke moea le tsukutlehe,Kapa u ’ne u lelekise litlhaka tse omeletseng? 26  Etsoe u ntse u ’ngolla lintho tse bohloko+U etsa hore ke fumane liphello tsa liphoso tsa bocha+ ba ka. 27  U boetse u boloka maoto a ka a kentsoe metšoasong,+U lebela litsela tsohle tsa ka;U tšoaea mola oa hao bakeng sa bohato ba maoto a ka. 28  O joaloka ho hong ho bolileng ho felang;+Joaloka seaparo seo tšoèlè e se jang.+

Mengolo e Botlaaseng ba Leqephe