Jobo 11:1-20

11  Tsofare Monaama+ a araba a re:   “Na mantsoe a mangata a ke ke a arajoa,Kapa moithorisi e tla ba ea nepileng?   Na puo ea hao ea lefeela e tla khutsisa batho,Na u tla ’ne u ba fetole litšeho ho se mang kapa mang ea u khalemelang ka matla?+   Hape, u re, ‘Taeo+ ea ka e hloekile,Ka sebele ke hloekile+ mahlong a hao.’   Empa leha ho le joalo hoja Molimo o ne a ka buaA ahlamisa molomo oa hae ho uena!+   Joale o ne a tla u bolella liphiri tsa bohlale,Etsoe lintho tsa bohlale bo sebetsang li ngata.Hape, u ne u tla tseba hore Molimo o lumella hore u leballoe tse ling tsa liphoso tsa hao.+   Na u ka fumana lintho tse tebileng tsa Molimo,+Kapa na u ka fumana pheletso ea Ea Matla ’Ohle?   Bo phahame ho feta leholimo. U ka finyella eng?Bo tebile ho feta Sheole.+ U ka tseba eng?   Bo bolelele ho feta lefatše ka tekanyo,Bo pharaletse ho feta leoatle. 10  Haeba a fetela pele ’me a nehelana ka mothoA bitsa lekhotla, joale ke mang ea ka mo hanyetsang? 11  Etsoe o tseba batho ba se nang ’nete.+Ha a bona se kotsi, na a ke ke a boela a iponahatsa e le ea elang hloko? 12  Esita le motho ea se nang kelello o tla fumana tšusumetso e ntleHang ha qoaha e kang esele e ka tsoaloa e le motho. 13  Ka sebele haeba u ka lokisa pelo ea haoUa otlollela matsoho a hao ho eena,+ 14  Haeba se kotsi se le ka letsohong la hao, se suthisetse hōle,Ho se loke ho se ke ha lula ka litenteng tsa hao. 15  Etsoe joale u tla phahamisa sefahleho sa hao u se na sekoli+Ka sebele u tla tiea, ’me u ke ke ua tšaba. 16  Etsoe uena—u tla lebala khathatso;U tla e hopola joaloka metsi a fetetseng pele. 17  Nako ea hao ea bophelo+ e tla hlaha e khanya ho feta motšehare;Lefifi le tla ba joaloka hoseng.+ 18  U tla tlameha ho tšepa kahobane ho na le tšepo;Ka sebele u tla qamaka ka hloko—u tla robala+ u sireletsehile. 19  Ruri u tla ikotlolla, ho se ea etsang hore u thothomele.Ka sebele batho ba bangata ba tla etsa hore u be le boikutlo bo bonolo;+ 20  Mahlo a ba khopo a tla felloa ke matla;+Sebaka seo ho baleheloang ho sona se tla timela,+Tšepo ea bona e tla ba ho shoa ha moea.”+

Mengolo e Botlaaseng ba Leqephe